‘अध्ययनको लागि विद्यार्थी विदेश जानु पलायन होइन’

नारायण बजाज
प्रबन्ध निर्देशक, ग्लोवल रिच

उच्च शिक्षा अध्ययनका लागि विदेश जान चाहने विद्यार्थीलाई बिगत २८ वर्षदेखि ग्लोबल रिचले परामर्श सेवा प्रदान गर्दै आइरहेको छ । कम्पनीले नेपालमा सन् २००७ बाट नेपालमा र सन् २०१५ देखि पोखराबाट समेत सेवा प्रदान गरिरहेको छ । ग्लोबल रिचका विशेषता, परामर्श व्यवसाय लगायत विविध विषयमा केन्द्रित रहेर कम्पनीका प्रवन्ध निर्देशक नारायण बजाजसँग आर्थिक आवाजले गरेको कुराकानीः

ग्लोबल रिच कहिले स्थापना भयो ?
ग्लोबल रिच स्थापना भएको २८ वर्ष भइसकेको छ । नेपालमा भने सन् २००७ देखि संचालनमा ल्याएका हौं । पोखरा शाखा २०१५ बाट सञ्चालन गरेका हौं । छोटो समयमा नै नेपालमा ग्लोबल रिच ब्राण्डको रुपमा स्थापित भइसकेको छ । अष्ट्रेलिया र नेपालमा मात्र नभई दक्षिण एसियाली देशहरुमा पनि ग्लोबल रिच लोकप्रिय बनेको छ । धेरै मेहनत गरेर नै हामी यो अवस्थामा आएका हौं ।

MANASLU

ग्लोबल रिच सञ्चालन गर्नुको मुख्य उद्देश्य के हो ?
नेपालबाट विदेश अध्ययन गर्न जान चाहने विद्यार्थीलाई सहज होस भनेर हामीले नेपालमा शाखा स्थापना गरेका हौं । अष्ट्रेलिया लगायत विभिन्न देशमा जान चाहे विद्यार्थीलाई हामी परामर्श प्रदान गर्छौं । अहिले विद्यार्थीको बीचमा अष्ट्रेलिया लोकप्रिय बनेको छ ।

ग्लोबल रिचका विशेषताहरु केके छन् ?
विद्यार्थीलाई सहज तरिकाले सही तथा सत्य तथ्य जानकारी हामीले दिदै आइरहेका छौं । हामीले गुणस्तरीय सेवा प्रदान गर्दै आइरहेका छौं । सेवा हेरेर नै ब्राण्ड स्थापित हुने हो । विद्यार्थी तथा अभिभावकको बीचमा हामी लोकप्रिय बन्न सफल भएका छौं । पोखरामा पनि हामी सफल छौं । काठमाडौं भन्दा पोखरामा काम गर्न पनि केही सहज छ । विद्यार्थीको इच्छा, चाहना, रुची तथा आर्थिक अवस्था अनुसार हामी कलेज तथा युनिभर्सिटी छान्न सहयोग गर्छौं । त्यसै अनुसार परामर्श दिन्छौं । अष्ट्रेलियामा अध्यापन हुने कोर्ष तथा विषयमा बारेमा जानकारी दिन्छौं र छनोट गर्न भन्छौं । छात्रवृत्ति लगायत कलेज तथा युनिभर्सिटीका नीति नियम तथा विशेषताबारे बताउछौं । नेपालमा मात्र नभई अष्ट्रेलिया पुगेपछि पनि हामी विद्यार्थीलाई सहयोग गर्छौं । अभिभावकीय भुमिका निर्वाह गर्छौं । विद्यार्थीसँग कुनै सेवा शुल्क लिदैनौं । समय समयमा सेमिनार तथा फेयर आयोजना गर्ने गरेका छौं । अष्ट्रेलियामा रहेका ४२ युनिभर्सिटीसँग हाम्रो सम्वन्ध छ । ती युनिभर्सिटीको आधिकारिक प्रतिनिधि भएर काम गरिरहेका छौं ।

भिजा सक्सेस रेट कस्तो छ ?
विगत १ वर्षदेखि अष्ट्रेलियन सरकारले अनलाइन भिसा सिस्टम ल्याएको छ । यसमा लेभल वान, टु, थ्रि गरेर क्याटागोरी छुट्याइएको छ । लेभल वान भनेको लो रिस्कड क्याटागोरी हो । नेपाल अहिले लेभल टु मा छ । प्राइभेट कलेजतर्फ जान चाहनेहरुको भिजा रिजेक्ट रेट बढ्दै छ । ग्लोबल रिचको भिसा सक्सेट रेट राम्रो छ ।

विद्यार्थीको रोजाइमा अष्ट्रेलिया पर्नुको कारण के हो ?
अमेरिका पनि विद्यार्थीको रोजाईमा नपर्ने होइन । तर अहिले अष्ट्रेलिया प्रति विद्यार्थीको आकर्षण बढ्नुका विभिन्न कारण छन् । अष्ट्रेलियाको पोलिसीका कारण पनि विद्यार्थी जाने रेट बढेको हो । अमेरिका भन्दा अष्ट्रेलिया सस्तो छ । अमेरिकी डलर र अष्ट्रेलियन डलरको तुलना गर्ने हो भने अष्ट्रेलियन डलर करिव ३० प्रतिशत सस्तो छ । यस कारण ट्युसन फि पनि अमेरिकाको तुलनामा अष्ट्रलियामा सस्तो पर्न जान्छ । कामको लागि पनि अष्ट्रेलिया सहज छ । पिआरको प्रक्रिया पनि केही सहज छ । भविष्य पनि सुनिश्चित छ ।

कन्सल्टेन्सीले विदेश पलायन बढाएका छन् भन्ने सुनिन्छ नि ?
अध्ययनको लागि विद्यार्थी विदेश जानु पलायन होइन । शिक्षाको लागि जहाँ राम्रो छ विद्यार्थी त्यही जाने हो । अध्ययन पछि कामको अवसर पनि भएकाले विद्यार्थी जाने हो ।

कन्सल्टेन्सी व्यवसाय प्रति आर्कषण बढेको छ, यसलाई के भन्नुहुन्छ ?
कन्सल्टेन्सी एक किसिमको मार्केटिङ कम्पनी हो । कलेज तथा युनिभर्सिटीको कोर्षलाई मार्केटिङ गरिएको हो । कम लगानीमा यसलाई शुरु गर्न सकिन्छ । अहिले युवा पुस्ताको बीचमा कन्सल्टेन्सी व्यवसाय लोकप्रिय बनेको छ । काठमाडौंमा करिव २ हजारको हाराहारीमा कन्सल्टेन्सी छन् । पोखरा लगायत अन्य शहरमा पनि कन्सल्टेन्सी बढेका छन् । व्यवसाय गर्नु राम्रो हो तर स्वच्छ प्रतिस्पर्धा हुनुपर्छ ।

 

सम्बन्धित खवर
baba hardware
टिप्पणिहरु
Loading...