पोखरा, २२ भदौ ।
लायन्स क्लव अफ अमरवुद्ध पोखराको आयोजनामा तिजको शुभकामना आदान प्रदान तथा दर खाने कार्यक्रम सम्पन्न भएको छ । कास्की कारागारमा रहेका महिला कैदीवन्दी सगँ शुभकामना आदान प्रदानका साथै दर खाने कार्यक्रम गरिएको क्लवका अध्यक्ष शान्ता थापाले जानकारी दिईन् । सोही अवसरमा क्लवले १ थान साउण्ड सिस्टम पनि प्रदान गरेको छ ।
कार्यक्रममा बोल्दै प्रमुख अतिथी एनएलएफ चिफ डिर्पामेन्ट लायन मिलन थापाले क्लव गरेको कामको प्रशंसा गरिन् । पोखरामा नै भएर पनि आफु पहिलो पटक गएको र आगामी दिनमा विभिन्न कार्यक्रम सहित जाने प्रतिवद्धता व्यक्त गरिन् ।
कार्यक्रममा एओजी सुचित्रा थापा, ह्बिल चेयर डिपार्टमेन्ट चिफ वालकृष्ण शर्मा, रिचन चियरपर्सन शिवराज आचार्य, जोन चियरपर्सन रविन्द्र श्रेष्ठ, कारागारका प्रशासन प्रमुख हरीप्रसाद गौतम, सुरक्षा प्रमुख रोहिणी धिताल लगायतले बोलेका थिए । कार्यक्रम संयोजक सुनिता थापाले ध्वजाको अभिवादन गरेकी थिईन् ।
क्लवका अध्यक्ष शान्ता थापाको अध्यक्षतामा भएको उक्त कार्यक्रममा क्लवका प्रथम उपाध्यक्ष सरिता कार्की थापाले स्वागत र सचिव विष्णु श्रेष्ठले संचालन गरेका थिए ।
Comments are closed.