अशोक लेल्याण्डको सेल्स, सर्भिस र स्पेयर्स आफ्नै शोरुमबाट
आर्थिक आवाज
पोखरा । आइएमई ग्रुप अन्तर्गतको आइएमई मोटर्सले बजार विस्तारलाई तिब्रता दिएको छ । अशोक लेल्याण्ड गाडीको लागि नेपालको आधिकारिक बिक्रेता आइएमई मोटर्सले पोखराको चाउथेमा सुविधा सम्पन्न शोरुम स्थापना गरी सेवा विस्तार गरेको हो । शोरुमको शुक्रबार उद्घाटन गर्ने कार्यक्रम छ ।
थ्रि एस (सेल्स, सर्भिस र स्पेयर्स) सेवा एकैठाउँबाट उपलब्ध गराउने लक्ष्यसहित आइएमई मोटर्सले स्वागत नगर चाउथेमा सेवा शुभारम्भ गर्न लागेको हो । गण्डकी प्रदेशमा अशोक लेल्याण्ड गाडीको बिक्री राम्रो रहेकाले सेवालाई अझ बढी गुणस्तरीय र प्रभावकारी बनाउन लागिएको आइएमई मोटर्सका कार्यबहाक प्रमुख कार्यकारी अधिकृत सुरज भट्टराईले जानकारी दिए ।
अशोक लेल्याण्डका ट्रक, टिपर, बस, स्कुल बस, दोस्त पिकअप, कन्टेनरहरु नेपाली बजारमा बिक्री भइरहेका छन् । आइएमई मोटर्स आधिकारिक बिक्रेता बनेपछि नेपाली बजारमा अशोक लेल्याण्ड ब्राण्डप्रति ग्राहकहरुको विश्वास बढेको उनले बताए । ‘अशोक लेल्याण्डको बजार विस्तार भइरहेको छ,’ उनले भने,
‘ग्राहकको विश्वास जितेका छौं । सेवालाई अझ बढी ग्राहकमैत्री बनाउने अभियानमा हामी छौं ।’ सेवा विस्तार गर्ने क्रममा पूर्वदेखि पश्चिमसम्म हालसम्म १३ वटा शोरुम स्थापना भइसकेको भट्टराईले जानकारी दिए । अशोक लेल्याण्ड गाडीका लागि आवश्यक सम्पूर्ण सेवाहरु पोखरा शोरुमबाट प्रदान गरिने शाखा प्रमुख खेम क्षेत्रीले बताए । करिब १० रोपनी जग्गामा शोरुम स्थापना गरिएको छ । बिगत ३ वर्षदेखि आइएमई बिक्रेता बनेपछि अशोक लेल्याण्डले सेवा विस्तारलाई जोड दिएको उनले जानकारी दिए । ‘बिक्री पछिको सेवालाई हामीले प्राथमिकतामा राखेका छौं,’ उनले भने ।
स्पेयर्स पार्टस कम्पनी आफैले तथा रिटेलमार्फत सहज उपलब्ध रहेको क्षेत्रीले जानकारी दिए । जापानिज प्रविधिमा बनेको गाडीमा प्रयोग भएको हिनो एचसिरिज इन्जिन अत्याधिक बलियो तथा लामो समय टिक्ने कम्पनीको दावी छ । ‘राम्रो माइलेज पनि अशोक लेल्याण्डको विशेषता हो,’ क्षेत्रीले भने, ‘इनलाइन पम्प जडित गाडीहरु भएकाले उच्चतम माइलेज दिन्छ र मर्मत खर्च पनि कम लाग्छ ।’ एक्सल क्राउन गियर बक्स अत्याधिक टिकाउ रहेको सेल्स अफिसर प्रकाश अर्यालले जानकारी दिए ।
चेसिसको चौडाई बलियो तथा अरु गाडीको तुलनामा लामो समय टिक्ने क्षेत्रीले बताए । ‘आधुनिकीकरणसँगै विभिन्न प्रविधिहरु जडित गाडी मेकानिक फ्रेण्ली छ,’ उनले भने, ‘बिग्रेको अवस्थामा सहज मर्मत गर्न सकिन्छ ।’
शोरुममार्फत सम्पूर्ण सेवा
![](https://arthikawaj.com/wp-content/uploads/2018/12/Khem-chhetri.jpg)
अशोक लेल्याण्ड गाडीको लागि नेपालको आधिकारिक बिक्रेता आइएमई मोटर्सले पोखराको चाउथेमा सुविधा सम्पन्न शोरुम स्थापना गरी आज शुक्रबार सेवा सुरु गर्दैछ । सेल्स, सर्भिस र स्पेयर्सका लागि हामीले शोरुमबाट सम्पूर्ण सेवा हाम्रा ग्राहकलाई उपलब्ध गराउनेछौं ।
गण्डकी प्रदेशमा अशोक लेल्याण्ड गाडीको बिक्री राम्रो छ । अझै बिक्री बढाउने लक्ष्य हाम्रो छ । सेवालाई अझ बढी गुणस्तरीय र प्रभावकारी बनाउन हामी सक्रिय छौं । करिब १० रोपनी जग्गामा शोरुम स्थापना गरिएको छ । आफ्नै शोरुम स्थापना भएपछि हाम्रा ग्राहकलाई आवश्यक पर्ने सम्पूर्ण सेवा एकै स्थानबाट प्रदान गर्न सक्षम भएका छौं । आगामी दिनमा सेवालाई अझ प्रभावकारी बनाउँदै अगाडि बढ्नेछौं ।
https://arthikawaj.com/2018/12/8108
https://arthikawaj.com/2018/12/8102
Gepostet von Arthik Awaj am Donnerstag, 6. Dezember 2018
Comments are closed.