उपप्रमुख गुरुङद्वारा घर भाडा मिनाहाको घोषणा

पोखरा, ८ चैत । पोखरा महानगरपालिकाका उपप्रमुख मञ्जुदेवी गुरुङले आफ्नो घरको एक महिनाको भाडा नलिने घोषणा गरेकी छन् । पोखरा महानगरपालिका वडा नम्वर ९ जरेबरमा आफ्नो नाममा रहेको जग्गाको चैत महिनाको भाडा नलिने घोषणा गरेकी हुन् ।

jutta mela

उपप्रमुख गुरुङको घोषणा पोखरामा घर भाडामा दिने घरबेटीहरुलाई समेत सकारात्मक प्रभाव पर्ने अपेक्षा गरिएको छ । पोखराका व्यवसायीले व्यवसाय धरासायी बन्दै गएको भन्दै घर भाडामा छुट दिन माग गरिरहेका बेला उपपप्रमुख गुरुङले भाडा नलिने घोषणा गरेकी हुन् ।

विश्वभर कोरोना भाइरसका कारण आर्थिक क्षेत्र अस्तब्यस्त भएको भन्दै उनले व्यवसायीलाई राहत स्वरुप भाडा नलिने निर्णय गरेको बताइन् । उनले मासिक ६५ हजार रुपैयाँमा भाडामा दिएकी थिइन् । चैत महिनाको भाडा आफूले नलिने घोषणा गरेको बताउदै उनले भनिन्, ‘ब्यवसायीलाई एक महिनाको भाडा नलिदा राहत हुने अपेक्षा सहित भाडा मिनाहा गर्ने निर्णय गरेको गरेकी छु ।’

You might also like

Comments are closed.