काठमाडौं । बागमती प्रदेशको चितवनमा स्थापित एक्रो केम इण्डस्ट्रिज प्रा.लि.ले आफ्नो उत्पादनको दोस्रो वर्ष पुरा गरी तेस्रो वर्ष प्रवेश गरेको छ । नेपालमा गुणस्तरीय कोल उत्पादन गर्ने लक्ष्यका साथ स्थापित कम्पनीले आफ्ना उत्पादन देशभरको बजारमा बिक्री वितरण गर्दै आइरहेको छ ।
कम्पनीले Acro col maritime, Acro col SH, Rhino col SH, Rhino col WG र ABC col ग्राहकमाझ उपलब्ध गराउँदै आइरहेको छ ।
कम्पनीले वार्षिकोत्सवको अवसरमा वार्षिक उपहार योजना, ग्राहक उपहार योजना एवं नगद उपहार योजना सार्वजनिक गरेको छ । वार्षिक उपहार योजना अन्तर्गत ग्राहकले एलइडी टिभीदेखि मोटरसाइकलसम्म उपहार प्राप्त गर्न सक्नेछन् ।
७५ लाख रुपैयाँ भन्दा बढीको एक्रोकोल खरिदमा १२५ सिसीको होण्डा साइन मोटरसाइकल उपहार प्रदान गरिने कम्पनीले जनाएको छ । ५० लाख रुपैयाँ भन्दा बढीको एक्रोकोल खरिदमा १०० सिसीको बजाज प्लाटिना, ३५ लाख रुपैयाँ भन्दा बढीको एक्रोकोल खरिदमा वासिङमेसिन र १५ लाख रुपैयाँ भन्दा बढीको एक्रोकोल खरिदमा ल्यापटप उपहार प्रदान गरिनेछ । १० लाख रुपैयाँ भन्दा बढीको खरिदमा फ्रिज र ५ लाख रुपैयाँ भन्दा बढिको खरिदमा ३२ इन्चको एलइडी टिभी ग्राहकहरुलाई प्रदान गरिनेछ ।
भाग्यशाली उपहार योजना अन्तर्गत ज्याकेट, थर्मस, आइरन, ब्लाङकेट, इलेक्ट्रिक जग, राइस कुकर, इलेक्ट्रिक हिटर र साइकल उपहार प्रदान हुनेछ ।
त्यसैगरी कम्पनीले हात खाली नजाने उपहार योजना पनि ल्याएको छ । यस योजना अन्तर्गत एक्रो मरिटाइम तर्फ ५० केजीमा ६ सय रुपैयाँ, २० केजीमा ४ सय ५० रुपैयाँ, १० केजीमा ३ सय ५० रुपैयाँ र ५ केजीमा २ सय ५० रुपैयाँ उपहार ग्राहकले पाउनेछन् । एक्रो एसएमतर्फ ५० केजीको खरिदमा ५ सय रुपैयाँ, २० केजीमा ४ सय रुपैयाँ, १० केजीमा ३ सय रुपैयाँ र ५ केजीमा २ सय रुपैयाँ उपहार प्रदान गरिनेछ ।
यसैबीच कम्पनीले वार्षिकोत्सवको अवसवरमा देशभरका डिलर, फर्निचर उद्योग व्यवसायी, कार्पेन्टर तथा ग्राहकहरुप्रति कृतज्ञता ज्ञापन गरेको छ । ‘ग्राहकहरुको मायाले नै हाम्रो उत्पादन बजारमा सफल भएको छ,’ कम्पनीले भनेको छ, ‘आगामी दिनमा अझै स्तरीय सेवा प्रदान गर्न हामी प्रतिबद्ध छौं ।’
Comments are closed.