पोखरा, ६ भदौ ।
उच्च शिक्षा अध्ययनका लागि अष्ट्रेलिया जान चाहने विद्यार्थीहरुलाई लक्षित गरी आयोजना गरिएको अष्ट्रेलियन एजुकेशन फेयर विद्यार्थीको उत्साहजनक सहभागितामा सम्पन्न भएको छ ।
पोखरा महेन्द्रपुलस्थित एनमार्क एजुकेशन प्रालिले सोमवार आयोजना गरेको उक्त फेयरमा २ सय भन्दा धेरै विद्यार्थीको उत्साहजनक सहभागिता रहेको सिनिएर काउन्सिलर सामना क्षेत्रीले जानकारी दिईन् ।
फेयरमा अष्ट्रेलियामा रहेका विभिन्न २० भन्दा बढी कलेज तथा युनिभर्र्सिटीका प्रतिनिधिहरुले अष्ट्रेलियन शिक्षा सम्वन्धी प्रत्यक्ष परामर्श दिएको प्रालिका अध्यक्ष नविन अधिकारीले जानकारी दिए ।
अधिकारीले पछिल्लो समय वैदेशिक अध्ययनमा विद्यार्थीको चासो बढेको र उच्च शिक्षा अध्ययनको प्रमुख गन्तव्य अष्ट्रेलिया भइरहेको सन्दर्भमा विद्यार्थीलाई सहि परामर्श दिन आयोजना गरिएको कार्यक्रम सफल भएको दावी गरे ।
प्रमुख शैक्षिक गन्तव्य अष्ट्रेलियामा भिसा परामर्श दिनु मात्र ठूलो कुरा नभई त्यहाँ कुन कलेज छनौट गर्ने, कुन कोर्स पढ्ने भन्ने बारेमा अगाडि नै जानकार भएमा विद्यार्थीको बसाईं सफल र लक्ष्यमा पुग्न सक्ने उनको भनाई छ ।
एनमार्कले अष्ट्रेलियासँगै न्युजिल्याण्ड, अमेरिका लगायतका देशमा अध्ययनका लागि परामर्श दिने काम गर्दै आएको छ ।
Comments are closed.