क्रियापुत्री भवन निर्माणका लागि ११ हजार सहयोग

दमौली, ३ साउन ।

व्यास–३ स्थित व्यास गुफा क्षेत्रमा निर्माणाधीन क्रियापुत्री भवनका लागि व्यास–३ पराशर टोल निवासी तारानाथ घिमिरेले ११ हजार १ सय ११ रुपैयाँ सहयोग गरेका छन् ।

घिमिरेले उक्त रकम क्रियापुत्री भवन निर्माण समितिका अध्यक्ष उपेन्द्र लम्साललाई प्रदान गरेका हुन् । रकम हस्तान्तरण गर्दै घिमिरेले भवन निर्माणका लागि सहयोग गर्न पाएकोमा खुशी व्यक्त गरे ।

सहयोग रकम ग्रहण गर्दै समितिका अध्यक्ष लम्सालले क्रियापुत्री भवनको निर्माण कार्य सम्पन्न गर्नका लागि समितिले सबै क्षेत्रबाट सहयोगको अपेक्षा गरेको उल्लेख गर्दै हालसम्म सहयोग गर्ने सबैमा धन्यवाद ज्ञापन गरे ।

व्यास–३ स्थित व्यास गुफा क्षेत्रको पूर्वतर्फ निर्माणाधीन ८ कोठे उक्त भवन ५० लाख रुपैयाँको लागतमा निर्माण सम्पन्न गरिने समितिले जनाएको छ । व्यास नगरपालिकाको ८० प्रतिशत र बाँकी स्थानीय लागत सहभागितामा उक्त भवनको निर्माण कार्य सम्पन्न गरिने बताइएको छ ।

footwear
सम्बन्धित खवर
baba hardware
टिप्पणिहरु
Loading...