सुरेन्द्र पौडेल
पोखरा, ३ फागुन । अर्गानिक र स्वस्थ खानाका परिकारलाई लक्षित गरी पोखराको लेकसाइडस्थित सेन्टरपोइन्टमा सुविधा सम्पन्न रेन्टुरेन्ट सञ्चालनमा आएको छ । पोखरामा बिगत ८ वर्षदेखि होटल मिडल पाथ सञ्चालन गरिरहेका युवा व्यवसायी अशोक कार्कीले खानाका पारखी आन्तरिक तथा बाह्य पर्यटकलाई लक्षित गरी फ्रेस एलिमेन्ट्स रेस्टुरेन्ट सञ्चालनमा ल्याएका हुन् ।
रेस्टुरेन्टको साथमा स्पा समेत सञ्चालनमा आएको कार्कीले जानकारी दिए । करिब ३ करोड ५० लाख रुपैयाँ लगानीमा रेस्टुरेन्ट सञ्चालनमा आएको उनले बताए । नेपाली, चाइनिज, कन्टिनेन्टल तथा अर्डर अनुसारको खाना तथा खाजाका लागि रेस्टुरेन्ट उत्कृष्ट गन्तव्य बनेको कार्की बताउँछन् । ‘पोखरामा आउने उत्कृष्ट क्वालिटीका पर्यटकलाई लक्षित गरी रेस्टुरेन्ट सञ्चालनमा ल्याएको हुँ,’ उनले भने, ‘आन्तरिक तथा बाह्य पर्यटकका साथै पोखरेलीहरुको पनि रोजाईमा रेस्टुरेन्ट परेको छ ।’
लाभा ग्रिल रेस्टुरेन्टको विशेष परिकार हो । हेल्दी स्लाद, फ्रेस खाना पनि ग्राहकको रोजाईमा परेको कार्कीले बताए । रेस्टुरेन्टमा २ सय ५० रुपैयाँदेखि २ हजार ५ सय रुपैयाँसम्मका मेनु समावेश छ । ‘पूर्ण पारिवारिक वातावरणमा स्तरीय सेवा प्रदान गर्न हामी सफल छौं,’ उनले भने ।
रेस्टुरेन्टसँगै सञ्चालनमा आएको स्पामा साउना, व्युटिपार्लर, मसाज, अकुपञ्चर लगायतका सेवा उपलब्ध छन् । १ सय जना भन्दा बढीको क्षमता रहेको रेस्टुरेन्टमा २५ जनाले प्रत्यक्ष रोजगारी पाएका छन् । स्पामा ७ जना कर्मचारी छन् । कार्कीले नै सञ्चालन गरिरहेको होटल मिडल पाथमा २२ वटा स्तरीय कोठा छन् ।
आवश्यकता अनुसार पर्यटन क्षेत्रमा लगानी बिस्तार गरी अगाडि बढ्ने कार्कीको लक्ष्य छ । ‘नेपालको पर्यटन क्षेत्रमा अझै लगानी बढाउन आवश्यक छ,’ उनले भने, ‘देशको आर्थिक समृद्धिका लागि पर्यटनमा लगानी बढाउन सरकारले पनि लगानीमैत्री वातावरण बनाउनुपर्छ ।’
Comments are closed.