डि.बि. भुजेल
सरकार र जनतालाई हात जोडी भन्छु है
कोरोनाको कहर सबै अब कहन्छु है ।
शक्ति राष्ट्र भन्नेलाई नि धुरुधुरु रुवाको छ
डाक्टर र बैज्ञानिकलाई हावा ख्वाको छ ।
करोडौंको लकडाउन गरि आफू शयर गर्याछ
मानवको चेतनालाई भार पर्या छ ।
लाखौंलाखको ज्यान लिने यस्ले किन गर्दैछ
प्राकृतिक दोहन गरी संसार भर्दैछ ।
नाकाबाट कोरोना छिर्यो सेना प्रहरी लगाउ है
सचेत बनी संकटलाई सिधै भगाउ है ।
विदेशिएका नेपालीलाई धैर्य गर्ने शक्ति देउ
उट्याङपट्याङ बोल्ने हैन राम्रो मति देउ ।
लकडाउनसंगै कलम पनि बन्द गरे विज्ञले
गर्नु पर्यो सबै काम दुर दृष्टिले ।
राजनैतिक नियुक्ति र फजुल खर्च घटाउदै
द्वेष राग असमझदारी सबै हटाउदै ।
ज्यालादारी असहायको राहत चाडो गर है
ठाउँ-को-ठाउँ सहयोग गरि माना भर है ।
शहरमा कौशी खेती अब सुरु गरौं त
अल्छी नगरी खेती गरि भकारी भरौं त ।
बेला यस्तो घर्कदो छ, शान्तिकामना गरौं न
बुढाबुढी दिर्घरोगीलाई रासन भरौं न
आत्मबल र सामाजिक दुरी यसको मूल मन्त्र हो
डेलिभेरी सहित सुशासन ल्याउनु गणतन्त्र हो ।
खिचितानी अति भयो बुद्धि कैले फेर्ने हो
समृद्दी पनि ल्याउने हो कि कलंक भिर्ने हो ।
बिन्ती गर्छु सरकारलाई चाडो ज्ञान लिनु है
माथी उल्लेख समस्यालाई ध्यान दिनु है ।
Comments are closed.