पोउवासंघको महाधिवेशन नजिकिँदै गर्दा पूर्व कोषाध्यक्षको चिठीः ध्रुवीकरणप्रति यस्तो छ चिन्ता

अध्यक्ष ज्यू, पूर्व अध्यक्ष ज्यूहरु, सम्पूर्ण उद्योगी, व्यवसायी ज्यूहरु
शुभ बिहानी, नमस्कार

पोखरा उद्योग वाणिज्य संघको स्थापना भएको ६४ वर्ष गाठको यो संघारमा ३२औं महाधिवेशन २०७५ असोज ५ र ६ गते हुने कुरा सदस्य महानुभावहरुलाई जानकारीका साथ पत्र प्राप्त भई सकेको होला ।

संघको स्थापना र यसको उद्देश्य किन र केका लागि हो भन्ने कुरा पनि सदस्य महानुभावहरूलाई अबगत नै होला । स्थापना कालदेखि आजसम्म हाम्रा अग्रजहरूको त्याग र एकताबाट संरक्षित निजी क्षेत्रको अग्रणी संस्थाको इतिहास हेर्दा हामी सम्पूर्ण उद्योगी, व्यवसायी गर्व गर्छौं र सबैको आस्थाको केन्द्र बिन्दु पोखरा उद्योग वाणिज्य संघलाई विश्वास गर्छौं । तर आज आएर एकतामा अनेकता, विश्वासमा अविश्वास चुलिदै गएको छ । जसका कारण सरकारले निजी क्षेत्रलाई हेर्ने दृष्टिकोण फरक भएको छ । हामी उद्योगी, व्यवसायी साथै आम नागरिकले स्वतन्त्र रुपमा उद्योग धन्धा, कलकारखाना, व्यापार व्यवसाय गर्न पनि पाएका छैनौं । चोर, फटाहा जस्तो रुपमा सरकारले हेर्ने गरेको अवस्था छ । अब सरकारले निजी क्षेत्रलाई सम्मानजनक रूपमा हेर्नका लागि पनि व्यावसायिक एकता जरुरी छ । त्यो व्यावसायिक एकता भनेकै हाम्रो संघ भित्रको सांगठनिक एकता हो । जुन सांगठनिक र व्यावसायिक एकता आज आएर राजनैतिक ध्रुवीकरणतर्फÞ उन्मुख देखिन्छ । यसको अन्त हुन आवश्यक छ ।

जबसम्म संस्था र यसका सदस्यहरुलाई सर्वोपरी हित हुने र सर्व जनको कल्याण हुने आँखा, मन र मस्तिष्कले हेर्दैन, मनन् गर्दैन र संचालन गर्दैन संस्था संस्था रहदैन । त्यसैले अबको हाम्रो उद्देश्य भनेको यसका संघ र सदस्य हुन भनेर संघमा प्रवेश गर्न आवश्यक छ । म यस संघको पूर्व कोषाध्यक्ष भएको हैसियतले सम्पूर्ण संघका सदस्य महानुभावहरूमा मेरो विनम्रतापूर्वक आग्रह संघ संगठनमा राजनैतिक ध्रुवीकरणको अन्त गरी पोखरा उद्योग वाणिज्य संघको स्थापना र यसको उद्देश्य साथै अग्रहरुको सपना र कल्पनालाई साकार पार्न सम्पूर्ण उद्योगी व्यावसायिक सदस्य मित्रहरुमा हार्दिक विनम्रता पूर्वक अपिल गर्दछु । धन्यवाद ।

जय पोखरा उद्योग वाणिज्य संघ
जय पोखरा
जय उद्योगी व्यवसायी सदस्य ज्युहरु

दिलीप राज श्रेष्ठ
पूर्व कोषाध्यक्ष
पोखरा उद्योग वाणिज्य संघ
पोखरा

footwear exchange
You might also like

Comments are closed.