पोउवासंघ ३२औं महाधिवेशनको मतदान सुरु, आजै पाउनेछ संघले नयाँ नेतृत्व

सुरेन्द्र पौडेल
पोखरा, ६ असोज । पोखरा उद्योग वाणिज्य संघको ३२औं महाधिवेशनमा मतदान सुरु भएको छ । शुक्रबार उद्घाटन कार्यक्रम भएको महाधिवेशनमा शनिबार मतदान भइरहेको छ । बिहानबाट सुरु भएको मतदान साँझ ५ बजेसम्म जारी रहने निर्वाचन समितिले जानकारी गराएको छ । गैह्रापाटनस्थित संघको कार्यालयम मतदान भइरहेको छ ।  पहिलो मतदान जीवन प्रकाश श्रेष्ठले गरेका छन् ।

संघको आगामी नेतृत्वका लागि दुई प्यानलमा निर्वाचन भइरहेको छ । चुनाव हुन लागेको २४ पदमा ४६ जना उम्मेदवारबीच कडा प्रतिस्पर्धा हुने आँकलन गरिएको छ । अध्यक्षका उम्मेदवार दामु अधिकारी र रवीन्द्रबहादुर प्रजू दुवैले छुट्टाछुट्टै प्यानलसहित उम्मेदवारी दर्ता गराएका छन् । अध्यक्षका उम्मेदवार अधिकारी र प्रजूबीच कडा प्रतिस्पर्धा हुने अनुमान गरिएको छ । दुवैले आ–आफ्नो पक्षमा मतदानालाई आकर्षित गर्ने अन्तिम प्रयास गरिरहेका छन् ।

संघको अध्यक्ष को बन्छ आज साँझसम्म मतदाताले फैसल्ला गर्नेछन् । मतदान सकिएको २ घन्टा भित्रै सम्पूर्ण पदको नजिता सार्वजनिक हुनेछ । इलेक्ट्रोक्सि मेसिनबाट मतदान भएकाले छिट्टै नजिता आउने निर्वाचन समितिका सदस्य प्रकाश ज्ञवालीले जानकारी दिए ।

अधिकारी प्यानलबाट वरिष्ठ उपाध्यक्षमा यदुनाथ अधिकारी, उद्योगतर्फको उपाध्यक्षमा गीता तिवारी गौतम, वाणिज्यतर्फको उपाध्यक्षमा यमनाथ पौडेल, महासचिवमा किसान सुनार, कोषाध्यक्षमा प्रेम भुजेल र उप–महासचिवमा सीता बराल उम्मेदवार छन् ।

प्रजू प्यानलबाट वरिष्ठ उपाध्यक्षमा नारायण कोइराला, उद्योग उपाध्यक्षमा विन्दु कोइराला, वाणिज्य उपाध्यक्षमा पवन प्रजापती, महासचिवमा अर्जुन पोखरेल, कोषाध्यक्षमा सुरेन्द्रमान बिजुक्छेले र उपमहासचिवमा चीनु गुरुङले प्रतिस्पर्धा गर्दैछन् ।

अधिकारी प्यानलबाट सदस्यहरुमा नारायण पौडेल, डि.बि. भुजेल, पवित्रा गुरुङ, तेजेन्द्र पौडेल, सोवित पौडेल, नगेन्द्र सुवेदी, नगेन्द्र पोखरेल, चन्द्रा शर्मा, उमराज बास्तोला र रुद्र लुइटेलले प्रतिस्पर्धा गर्दैछन् भने प्रजू प्यानलबाट सदस्यमा बलराम आचार्य, कुमारी मुना बास्तोला, बुद्धिबहादुर गहतराज, ऋषिराम भण्डारी, कृतिबल्लब त्रिपाठी, केशव खत्री, दीनेश बास्तोला, रामेश्वर प्रसाद अधिकारी उम्मेदवार छन् ।

उद्योग सदस्यमा अधिकारी प्यानलबाट हिरामणि पण्डित र प्रजू प्यानलबाट सुरेश श्रेष्ठले प्रतिस्पर्धा गर्नेछन् । कर्पोरेट सदस्यमा अधिकारी प्यानलबाट कमल बस्नेत र घनश्याम शर्मा तथा प्रजू प्यानलबाट हरिहर सापकोटा, हर्कबहादुर अधिकारीको उम्मेदवारी छ ।

चार जना निर्वाचित हुनुपर्ने बस्तुगत सदस्यमा ८ जनाको उम्मेदवारी छ । अधिकारी प्यानलबाट चिन्तामणि बास्तोला, ज्ञानबहादुर नेपाली, श्रीप्रसाद घले र तारानाथ ढुङगानाले उम्मेदवारी दर्ता गराएका छन् भने प्रजू प्यानलबाट हरिराज पन्त, शिवराज बास्तोला, रञ्जन बुद्धाचार्य र राजेशनाथ गुप्ताले उम्मेदवारी दिएका छन् । ३ हजार ३ सय ७७ जना उद्योगी व्यवसायीले महाधिवेशनमा मतदान गर्दैछन् ।

सम्बन्धित खवर
baba hardware
टिप्पणिहरु
Loading...