पोखरा वडा नम्बर ४ मा खाद्यान्न वितरण सहज बनाइने

पोखरा । पोखरा महानगरपालिका वडा नम्बर ४ मा लकडाउनको समयमा वडाबासीलाई दैनिक उपभोग्य बस्तु खाद्यान्न लगायतलाई सहज रुपमा उपलब्ध गराउन वडाले पहल थालेको छ ।

वडा नम्बर ४ का वडा अध्यक्ष शंकर बास्तोलाको अध्यक्षतमा शनिबार बसेको बैठकले वडा नम्बर ४ मा रहेका खाद्य स्टोर्सहरु गोपालजी, विनायक, मुनाल, सेलवेज र पोखरा ग्रोसरी स्टोर्समा समन्वय गरी वडावासीलाई सहज रुपमा खाद्यान्न उपलब्ध गराउने निर्णय गरेको हो ।

jutta mela

भारत तथा तेस्रो मुलुकबाट आएकाहरुको विवरण संकलन गर्नका लागि ४ जना वडा सदस्य र वडा सचिवलाई भेग मिलाएर जिम्मेवारी दिइएको वडाअध्यक्ष शंकर बास्तोलाले बताए । उनले वडा नम्बर ४ मा अहिले सम्म ५ जना विदेशबाट आएको विवरण संकलन भएको र उनीहरुको अवस्था हेरी क्वारेन्टाइनमा राख्नको लागि वडाले पहल गर्ने बास्तोलाले बताए ।

यसैबीच वडा नम्बर ४, ८ र ९ मा दैनिक उपभोग्य बस्तुलाई सहज बनाउन गठित खाद्यान्न तथा स्थानीय व्यवस्थापन समितिको शुक्रबार बसेको बैठकले अव्यवस्थित बस्ती तथा दैनिक ज्यालादारी गरी बस्ने समुदायमा खाद्यान्नलाई सहज रुपमा उपलब्ध गराउनेको लागि पहल गर्ने निर्णय गरेको छ । खाद्यान्न तथा स्थानीय व्यवस्थापन समितिका संयोजक शंकर बास्तोलाको अध्यक्षतामा बसेको बैठकले सम्बन्धित निकायसँगको समन्वयमा ग्यास आपूर्तिलाई पनि सहज बनाउने निर्णय गरेको छ ।

वडा नम्बर ४ का अध्यक्ष शंकरप्रसाद बास्तोलाको संयोजकत्वको समितिमा वडा नम्बर ८ का अध्यक्ष रुद्रनाथ बराल र ९ का अध्यक्ष रामराज लामिछाने, पोखरा उद्योग वाणिज्य संघका कार्यसमिति सदस्य दीनेशचन्द्र बास्तोला, जिल्ला प्रहरी कार्याल कास्कीका प्रतिनिधि र स्वास्थ्य महाशाखाका राजेन्द्र रेग्मी सदस्य छन् ।

You might also like

Comments are closed.