बहुउद्देश्यीय सहकारीकर्मीलाई सम्पत्ती सुद्धीकरण अभिमुखीकरण

पोखरा, १६ असार ।

सम्पत्ती सुद्धीकरण निवारण अभिमुखीकरण कार्यक्रम सम्पन्न भएको छ । नेपाल बहुउद्देश्यीय केन्द्रीय सहकारी संघ लि.को आयोजनामा शनिबार एक दीवसीय कार्यक्रम भएको हो । तालिमको उद्घाटनका अवसरमा बोल्दै प्रमुख अतिथि संघका अध्यक्ष सुरेन्द्र भण्डारीले नेपालको सहकारी क्षेत्रमा बहुउद्देश्यीय सहकारीको योगदान महत्वपूर्ण रहेको बताए ।

संघका सञ्चालक तथा प्रदेश संयोजक सुरेन्द्रमणि पौडेलको अध्यक्षतामा भएको कार्यक्रममा बोल्दै राष्ट्रिय सहकारी महासंघका पूर्व सञ्चालक डिल्लीराम तिवारीले बहुउद्देश्यीय सहकारीलाई सबैक्षेत्रबाट प्रहार भइरहेको बताउँदै सहकारीकर्मीबीच एकता आवश्यक रहेको धारणा राखे ।

नेपाल बचत तथा ऋण केन्द्रीय सहकारी संघ लि. (नेफ्स्कुन)का सञ्चालक तथा प्रदेश संयोजक भीम गुरुङले सहकारी ऐन र निर्देशिकाको पालना सबैले गर्नुपर्ने बताए । जिल्ला सहकारी संघ कास्कीका अध्यक्ष रविरमण तिवारीले सानो सानो रकमलाई सहकारीले संकलन गरी वित्तीय बजारलाई सहयोग गरेको बताए ।

कार्यक्रममा प्राइम बहुउद्देश्यीय सहकारी संस्थाका प्रवन्धक निरु थापाले स्वागत मन्तव्य राखेकी थिइन् भने कार्यक्रम सञ्चालन राष्ट्रिय सहकारी बैंकका पोखरा शाखा प्रवन्धक केदारनाथ उप्रेतीले गरेका थिए । नेपाल राष्ट्रबैंकका डेपुटी डाइरेक्टर हरि कुमार नेपालले अभिमुखीकरणको सहजीकरण गरेका हुन् ।

footwear
सम्बन्धित खवर
baba hardware
टिप्पणिहरु
Loading...