काठमाडौं । लायन्स क्लब इन्टरनेशनल डिष्ट्रिक्ट ३२५ बि २ नेपालको लायन वर्ष २०१८÷१९ को ‘बेस्ट प्रेसिडेन्ट अवार्ड’बाट तारामान धामी सम्मानित भएका छन् । हालै काठमाडौंमा सम्पन्न डिष्ट्रिक्टको चौथो क्याबिनेट मिटिङ तथा अवार्ड वितरण कार्यक्रममा उनलाई सम्मान गरिएको हो ।
लायन्स क्लब अफ काठमाडौं बढी मालिकाका अध्यक्ष धामी डिष्ट्रिक्ट अन्तर्गतका करिब ४ सय क्लबहरुका बीचमा उत्कृष्ट अध्यक्ष बन्न सफल भएका हुन् । बढी मालिकाले आउट स्टान्डिङ क्लब, आउट स्टान्डिङ सेक्रेटरी र आउट स्टान्डिङ ट्रेजरर अवार्डसमेत जित्न सफल भएको धामीले जानकारी दिए । पूर्व इन्टरनेशनल डाइरेक्टर सञ्जय खेतानकोे प्रमुख आतिथ्यतामा कार्यक्रम भएको हो ।
Comments are closed.