मुक्तिनाथको मोबाइल बैंकिङ अभियान, पहिलोपटक ‘टप–अप’ गर्दा २०% ‘क्यासब्याक’

आर्थिक आवाज
पोखरा । मुक्तिनाथ विकास बैंकले मोबाइल बैंकिङ अभियान सञ्चालनमा ल्याएको छ । नेपालको बैंकिङ प्रणालीमा सूचना तथा प्रविधिको उचित प्रयोग गरी सेवाग्राहीलाई यस सेवामा समेट्न र नगद रहितकारोवारलाई प्रोत्साहन गर्नको लागि यो अभियान सञ्चालन गरिएको बैंकका प्रमुख सूचना अधिकारी तिलबहादुर गुरुङले जानकारी दिए ।

jutta mela

यस अभियानमा हालसम्म बैंकको मोबाइल बैंकिङ मार्फत कुनै पनि कारोवार नगरेका ग्राहकहरुले एनटिसी, एनसेल, स्मार्ट सेल मोबाइलमा टप–अप गर्दा पहिलो पटक टप–अप गरेको रकमको २० प्रतिशत क्यास ब्याक प्राप्त गर्नेछन् ।

यो अभियान २०७६ मंसिर १५ गतेदेखि लागु भई २०७६ फागुन १४ गतेसम्म सञ्चालन हुने गुरुङले जानकारी दिए । हालसम्म मुक्तिनाथबाट मोबाइल बैंकिङ नलिएका वा लिएर पनि कारोबार नगरेका ग्राहकहरुले यो फाइदा लिन सक्नेछन् । यसबाट ग्राहकहरुले मोबाइल रिर्चाज कार्ड किन्ने झन्झटबाट मुक्ति पाउनुको साथै नगद लाभ पनि लिन सक्ने गुरुङले बताए ।

You might also like

Comments are closed.