यो हो पेनड्राइभ आकारको टुकी कम्प्युटर, टुकी प्रोजक्टर पनि नेपालमा

सुरेन्द्र पौडेल
पोखरा, ७ फागुन । टुकी ब्राण्डको प्रोजेक्टर नेपाल भित्रिएको छ । टुकी कोरियन कम्पनी हो । सिफ्ट टेक्नोलोजी प्रालिले टुकीलाई नेपाल भित्र्याएको हो । हालैमात्र नेपाल भित्रिएको टुकी ब्राण्डलाई देशका मुख्य शहरहरुमा आधिकारिक बिक्रेतामार्फत बिक्री सुरु गरिसकेको प्रालिका प्रवन्ध निर्देशक नविन कुमार श्रेष्ठले जानकारी दिए ।

‘अल्ट्रा सर्टथ्रो’ प्रविधिले नजिकबाट काम गर्न सकिने भएकाले टुकीका प्रोजेक्टरहरु निकै उपयोगी रहेको श्रेष्ठले बताए । ‘स्कुल, कलेज, व्यावसायिक प्रतिष्ठान तथा संघसंस्थाहरुका लागि टुकी प्रोजेक्टर निकै उपयोगी छ,’ उनले भने ।

कम्प्युटर भन्नेबित्तिकै ठूलो हुन्छ भन्ने हामीलाई लाग्छ । तर, टुकीले उत्पादन गर्दै आएको पेनड्राइभ आकारको कप्युटरलाई समेत सिफ्ट टेक्नोलोजी प्रालिले नेपालमा बिक्री सुरु गरिसकेको छ । ‘साह्रै सानो कम्म्प्युटर भएकाले पकेटमै राखेर हिड्न मिल्छ,’ उनले भने, ‘यो निकै उपयोगी छ ।’

कम्प्युटरलाई सिधै मोनिटर, टिभी, प्रोजेक्टरहरुमा जोड्न मिल्ने, सानो भएपनि साधारण कम्प्युटरले जस्तै काम गर्ने, थोरै बिजुलीबाट चल्ने तथा सजिलै बोकेर हिड्न सकिने भएकाले टुकी कम्प्युटर बढी उपयोगी रहेको श्रेष्ठको दावी छ । टुकीको सानो आकारको ल्यापटप पनि नेपाली बजारमा बिक्री भइरहेको श्रेष्ठले बताए ।

टुकीका लागि पोखरा क्षेत्रको आधिकारिक बिक्रेता जेनेक्स ट्रेडर्स हो । पोखरा क्षेत्रमा टुकी ब्राण्डको माग बढ्ने आफूहरुले विश्वास लिएको ट्रेडर्सका सञ्चालक नविन पौडेलले बताए । पोखराको नयाँबजारस्थित प्रदर्शनी केन्द्रमा आयोजित क्यान इन्फोटेकमा स्टल राखेर टुकीको प्रविधि तथा विशेषताबारे ग्राहकहरुलाई जानकारी दिइरहेको उनले जानकारी दिए ।

footwear
सम्बन्धित खवर
baba hardware
टिप्पणिहरु
Loading...