expert

‘रचयिताज बुटिकलाई आफ्नै ब्राण्ड बनाएर अगाडि बढ्ने सोच छ’

Beacon

रचयिता माकाजू
फेसन डिजाइनर रचयिताज बुटिक, महेन्द्रपुल, पोखरा

पोखराको महेन्द्रपुलमा रहेको रचयिताज बुटिकले स्थापनाको छोटो समयमा ग्राहकको विश्वास जित्न सफल भएको छ । फेसन डिजाइनमा व्याचलर्स गरेकी २३ वर्षीया रचयिता माकाजूद्वारा सञ्चालित बुटिकले कपडामा अर्डन अनुसार बुटिक भर्ने काम गर्दै आइरहेको छ । बुटिकका विशेषता, व्यवसायको अवस्था, ग्राहकको प्रतिक्रिया लगायत विषयमा माकाजूसँग आर्थिक आवाजले गरेको कुराकानीः

रचयिताज बुटिक कहिलेबाट सञ्चालनमा आएको हो ?
करिव ३० लाख रुपैयाँ लगानी गरेर गत भदौबाट मैले यो व्यवसाय शुरु गरेकी हुँ । औषत रुपमा हेर्ने हो भने व्यवसाय राम्रो छ । म यो व्यवसायबाट सन्तुष्ट छु । भविष्यमा यसलाई अझै राम्रो बनाउने तयारीमा छु । स्थापनाको छोटो समयमा ग्राहक महानुभावहरुबाट प्राप्त सकारात्मक प्रतिक्रियाले उत्साही छु । ग्राहकको विश्वास जित्नसक्नुलाई नै मैले आफ्नो सफलता मान्दै आइरहेकी छु ।

अहिलेका युवाहरुमा डाक्टर, इन्जिनियर, नर्स बन्नुपर्छ, विदेश जानुपर्छ भन्ने सोच हुन्छ । तपाईंलाई बुटिक व्यवसाय गर्ने सोच कसरी आयो ?
के गर्ने भन्ने कुरा आफै निर्णय गर्नुपर्छ । अरुको करकापमा पर्नुहुँदैन । पहिला मेरो ममीको पनि बुटिक नै थियो । मलाई मन पर्ने व्यवसाय पनि हो यो । सात कक्षामा अध्ययन गर्दादेखि नै मेरो उद्देश्य फेसन डिजाइनर बन्ने थियो । फेसर डिजाइनमा ब्याचलर गरेको छु । यस सम्वन्धी ज्ञान मसँग छ । ज्ञान तथा अनुभवलाई प्रयोग गरेर व्यवसाय संचालन गरेको छु । विभिन्न खालका कपडाका डिजाइनबाट पनि म प्रभावित भएर व्यवसाय संचालन गर्न सक्छु भन्ने सोचेर नै यस व्यवसायमा आएको हुँ । एक्स्पोजर पनि पाएँ । काठमाडौं कै ठुलो फेसन शो गर्ने अवसर पनि मैले प्राप्त गरेँ ।

व्यवसायको अवस्था कस्तो छ ?
यो व्यवसायको भविष्य धेरै राम्रो छ । जुनसुकै क्षेत्रमा पनि प्रतिष्पर्धा बढेको छ । प्राय पसलमा बुटिक देख्न सकिन्छ । बुटिक भएरमात्र हुँदैन कपडा कस्तो छ भन्ने कुरा ख्याल गर्नुपर्छ । रेडिमेड कपडाका कारण पनि बुटिक संचालन गर्न धेरै चुनौती छ । सस्तो हुने हुँदा कतिपय ग्राहक रेडिमेड कपडा पनि प्रयोग गर्नुहुन्छ । कपडाको गुणस्तर हेरेर प्रयोग गर्नुपर्छ ।

ग्राहकबाट कस्तो प्रतिक्रिया पाउनुभएको छ ?
हाम्रोमा आउने ग्राहक सन्तुष्ट हुनुहुन्छ । पछि पनि आउने गर्नुहुन्छ । एकपटक यहाँ आउनुभएका ग्राहककै सिफारिसमा अन्य ग्राहक पनि आउनुहुन्छ । सकारात्मक प्रतिक्रिया पाएका छौं । हाम्रो कामलाई विश्वास गर्नुहुन्छ । आप्mनै ब्राण्ड बनाएर अगाडि बढ्ने सोच छ ।

रचयिताजमा नै किन आउने ?
हामीले गुणस्तरीय कपडा ग्राहकलाई उपलब्ध गराउँछौं । ग्राहकले रोजेको डिजाइन अनुसारका कपडा हामी दिन्छौं । म आफैले अन्य धेरै बुटिकमा गएर हेरेँ । सबैमा राम्रो हुन्छ भन्ने छैन । हाम्रोमा फिनिसिङदेखि लिएर सबै आकर्षक हुन्छन् । काम गर्ने बेला म आफैंले पनि सिकाउछु, म आफै काममा खटिन्छु । ग्राहकको रोजाई अनुसारको डिजाइन र कपडा हामी उपलब्ध गराउन सक्छौं ।

कपडा कहाँबाट ल्याउनुहुन्छ ?
इन्डोनेसिया, चीन, भारत लगायतका देशबाट कपडा ल्याउछौं । काठमाडौंबाट पनि ल्याउछौं । टप्स, सारी, लेहेङ्गा, ब्लाउज, पाइन्ट, सर्ट लगायतका कपडा हामीसँग छन् । विवाह लगायत विभिन्न अवसरमा लगाउने कपडा पनि हामीसँग छन् ।

Citizen Trade Link
Nova computer
टिप्पणिहरु
Loading...