पोखरा, ६ चैत
रोटरीयन स्व. कृष्ण थापाको स्मृतिमा रोट्रयाक्ट क्लव अफ पोखरा मिडटाउनले फुटसल प्रतियोगिताको आयोजना गर्ने भएको छ । रोटरी, रोट्रयाक्ट र ईनरह्विलक्लवहरु बीचको भातृत्व विकास गर्ने उद्देश्यले प्रत्येक वर्ष यो प्रतियोगिता सञ्चालन गर्दै आईरहेको छ ।
प्रतियोगिता चैत ९ गते शनिबार हुनेछ भने सहभागी हुन चाहने क्लवहरुले शुक्रबार साँझ ५ बजेसम्म टिम दर्ता गराउन सक्ने आयोजकले जनाएको छ । रोट्रयाक्ट क्लव अफ पोखरा मिडटाउनका अध्यक्ष अच्युत पौडेलका अनुसार प्रतियोगितामा जोन ४ का रोट्रयाक्ट क्लवहरु, रिजन ४ का रोटरी क्लवहरु र पोखराका ईनरह्विलक्लवले सहभागिता जनाउन सक्नेछन् ।
यस्तै, रोट्रयाक्ट पुरुष, रोटरी तथा महिला टिमहरुको छुट्टाछुट्टै प्रतियोगिता गराईनेछ । रोट्रयाक्ट पुरुषतर्फ टिम दर्ताको लागि ३ हजार रुपैयाँ र महिलातर्फ प्रतिटिम २ हजार रुपैयाँदर्ता शुल्क तोकिएको छ । रोटरीतर्फ भने प्रति टिमको लागि ५ हजार रुपैयाँ र ईनरह्विल टिमको लागि ३ हजार दर्ता शुल्क तोकिएको छ । प्रतियोगिताको सह आयोजक रोट्रयाक्ट क्लवअफपोखरा र रोट्रयाक्ट क्लवअफ मणिपाल रहेका छन्, सह प्रायोजकपोखरा यु.पि. भि. सि. उद्योग तथा पुरस्कार प्रायोजन स्व. कृष्ण थापाको परिवारको तर्फबाट रोटरियन डा. पबिन थापाले गरेका छन् । खेल पोखरा भाटभटेनी स्थित स्काई स्पोर्टसमा हुनेछ ।
खेलका माध्यमबाट भातृत्वविकासको लागि प्रतियोगिता आयोजना गरिएको.रोट्रयाक्ट क्लवअफ मिडटाउन पोखराका अध्यक्ष पौडेलले जानकारी दिए ।
Comments are closed.