लामो समय लकडाउन हुँदा नेपालको अर्थतन्त्रमा धेरै नकारात्मक प्रभाव

काठमाडौं । लामो समयसम्म लकडाउन हुँदा नेपालको अर्थतन्त्रमा धेरै नकारात्मक प्रभाव परेको ‘हेल्थ एट होम’का प्रमुख कार्यकारी अधिकृत डा. विशाल ढकालले बताएका छन् ।

नेपाल उद्योग वाणिज्य महासंघको उद्योग समितिद्वारा आयोजित ‘अर्थ व्यवस्था पुनः प्राप्त गर्ने पथ’ विषयक अन्तरक्रियामा आफ्नो भनाइ राख्दै ढकालले कोरोनासँग जुध्दै आर्थिक क्षेत्रलाई चलायमान बनाउनुपर्ने धारणा राखे ।

केही स्वास्थ्य विज्ञहरुको सुझावकै कारण लामो समयसम्म लकडाउन गरिएको भन्दै उनले उक्त निर्णय गलत भएको कारण राखे । सुरक्षित भएर आर्थिक गतिविधि अगाडि बढाउनुपर्ने उनको भनाइ छ ।