तनहुँ २०,पुस ।
जाडो बढेसँगै तनहुँको व्यास नगरपालिकाका वडा कार्यालयले सामुदायिक विद्यालयहरुमा न्यानो कपडा वितरण अभियान थालेको छन् ।
यसैबिच व्यास नपा वडा नं २ ले शुक्रवार आर्थिक रुपमा कमजोर विद्यार्थीहरुलाई स्विटर वितरण गरेको छ ।
वडा कार्यालयले व्यास २मा रहेको बालमन्दिर माध्यमिक विद्यालयका ४३ जना विद्यार्थीहरु लाई स्विटर वितरण गरेको छ । जाडोमा न्यानो कपडाको अभावमा बालबालिकाहरुलाई विद्यालयमा आउन असहज नहोस् भन्नका लागी आर्थिक रुपमा विपन्न बालबालिकालाई न्यानो कपडा वितरण अभियान थालेको वडा अध्यक्ष काशीराम श्रेष्ठले बताए ।
कार्यक्रममा बोर्ड सदस्य कल्पना पोख्रेलले सामुदायिक विद्यालयमा राज्यले ठुलो लगानी गरेकाले गुणस्तरीय शिक्षा दिन शिक्षकलाई आग्रह गरिन् । विद्यालयककी प्रअ लक्ष्मि मल्लले जाडो को कारण विद्यार्थीकहरुको उपस्थिति विद्यालयमा न्युन रहेको बताईन् । साथै सोही अवसरमा वडा सदस्य लालबहादुर थापाले विद्यालयलाई फोटोकपि मेसिन प्रदान गरेका थिए ।
यसैबीच अमरापुरीमा रहेको जनसेवा प्राथमिक विद्यालयमा पनि ५३ जना विद्यार्थीलाई स्विटर वितरण गरिएको छ । विद्यालयकी प्रअ शारदा थापा अधिकारीले वडा कार्यालयले गरेको सहयोगमा विद्यालयलाई केही सहज भएको बताइन् ।
वडा कार्यालयलाई नगरपालिकाबाट विनयोजन भएको लक्षित वर्ग बजेटबाट दुई वटा विद्यालयमा स्विटर वितरण गरिएको वडा कार्यालयले जनाएको छ ।
Comments are closed.