रुद्रप्रसाद अर्याल
प्रवन्ध निर्देशक
बेकन प्रिमियर इन्टरनेशनल एजुकेसन
शैक्षिक परामर्श सेवा व्यवसायमा आबद्ध युवा व्यवसायी रुद्र प्रसाद अर्यालले पोखराको सिद्धार्थचोकमा बिगत १० वर्षदेखि बेकन प्रिमियर इन्टरनेशनल एजुकेसन सञ्चालन गरिरहेका छन् । कन्सल्टेन्सीले विशेष गरी अष्ट्रेलिया र न्युजिल्याण्डलाई लक्षित गरी परामर्श सेवा प्रदान गरिरहेको छ । बेकनका विशेषता, परामर्श सेवाका विशेषता, आइएलटिएस कक्षा लगायत विविध विषयमा केन्द्रित रहेर अर्यालसँग आर्थिक आवाजले गरेको कुराकानीः
बेकन प्रिमियर इन्टरनेशनल एजुकेसन सञ्चालन गर्नुको उद्देश्य के हो ?
वैदेशिक अध्ययनमा जान चाहने विद्यार्थीलाई परामर्श सेवा प्रदान गर्ने उद्देश्यले बेकन एजुकेसन सञ्चालनमा ल्याएका हौं । विशेष गरी अष्ट्रेलिया, न्युजिल्याण्ड लगायतका देश जाने विद्यार्थीलाई फोकस गरेर हामीले परामर्श सेवा दिदै आइरहेका छौं । आइएलटिएसको तयारी कक्षा पनि हामीले संचालन गरेका छौं । नेपाली विद्यार्थीको लागि अष्ट्रेलिया, न्युजील्याण्ड उत्कृष्ट गन्तव्य बन्न सफल भएका छन् । हामीले विद्यार्थीलाई ती देशको बारेमा जानकारी दिने गर्दछौं । पोखरामा धेरै कन्सल्टेन्सीको भिडमा हामीले अलग पहिचान बनाउन सफल छौं ।
विद्यार्थीलाई कसरी परामर्श दिनुहुन्छ ?
हामीले विद्यार्थीको स्तर, क्षमता, रुची, चाहना, उद्देश्य तथा परिवारको आर्थिकस्तर अनुसार परामर्श सेबा दिने गर्दछौं । विद्यार्थीको आवश्यकता तथा रुची अनुसारको कलेज तथा युनिभर्सिटी छान्न हामी सहयोग गर्छौं । विद्यार्थीलाई विदेश पठाउने मात्र नभई उनीहरुको करियर राम्रो बनाउने काम हाम्रो हो । हामीले जिम्मेवार भएर यि काम गरिरहेका छौं । विदेश जाँदा अपनाउनुपर्ने प्रक्रियाको बारेमा हामी जानकारी दिन्छौं भने भिजाको लागि कस्ता डकुमेन्ट आवश्यक पर्छ, विद्यार्थी के के कुराहरुमा सचेत भएर विदेश जानु पर्छ, देशको भिजा पोलिसी कस्तो छ यसको बारेमा हामी जानकारी दिन्छौं । विद्यार्थी गइसकेपछि पाउने अवसर र सामना गर्नुपर्ने चुनौतिको बारेमा जानकारी दिन्छौं । उच्च शिक्षाका लागि विदेश जानु अगाडि विद्यार्थीलाई हतारमा निर्णय नगरी सोचेर मात्र निर्णय गर्न म आग्रह गर्दछु ।
बेकनमा परामर्श लिएर उच्च शिक्षा अध्ययनका लागि विदेश पुुगेका विद्यार्थीको प्रतिक्रिया कस्तो पाउनुभएको छ ?
बेकनले सेवा शुभारम्भको झण्डै एक दशक पुरा गरिसकेको छ । यस अवधिमा हामीले धेरै विद्यार्थीहरु र अभिभावकहरुको माया र साथ पाउन सफल छौं । विद्यार्थीले हामीप्रति गर्नुभएको विश्वासलाई हामीले न्याय गर्न सफल भयौं भन्ने मलाई लाग्छ । विद्यार्थीबाट प्राप्त स्वच्छ तथा सकारात्मक प्रतिक्रियाले नै हामीलाई प्रोत्साहन गरेको छ । बेकनमा आएर परामर्श दिने विद्यार्थीको संख्या पनि बढिरहेको छ । विद्यार्थी तथा अभिभावको बीचमा हामी लोकप्रिय बनेका छौं । हामीले सबैको विश्वास जित्न सफल भएका छौं ।
बेकनका लक्षित विद्यार्थीहरु को–को हुन् ?
हामीसँग भेटेर परामर्श लिन जो सुकै विद्यार्थी अभिभावकले पनि सक्नुहुन्छ तर वैदेशीक अध्ययनमा जानको लागी विद्यार्थी कम्तीमा प्लस टु पास र व्याचलर अथवा मास्टर डिग्री पास गरेको हुनुपर्छ । हामीले पछिल्लो समयमा वैदेशिक अध्ययनको लागि परामर्श मात्र प्रदान नगरी करियर काउन्सिलिङ गर्दै आएका छौं । स्वदेशमै पढ्न चाहने तथा विदेश गएर पढ्न चाहने विद्यार्थीको लागि विद्यार्थीको रुची, स्तर, क्षमता र दक्षता हेरेर हामी विषय छनौट तथा करियर काउन्सिलिङ गर्छौं । विद्यार्थीले पढाई सकेपछि त्यसै बस्न नपरोस् र आफ्नो क्षमता अनुसारको काम गर्न पाउन् र प्रोफेसनल बनुन् भन्ने हाम्रो चाहना हो । हामी त्यसै अनुसार नै काउन्सिलिङ गर्छौं ।
परामर्श व्यवसायको अवस्था कस्तो छ ?
परामर्श सेवा व्यवसायमा प्रतिस्पर्धा निकै बढेको छ । कन्सल्टेन्सी खुल्ने क्रम बढिरहेको छ । हामी यसबाट डराउनुपर्ने अवस्था भने छैन । हामीले दिने सेवा तथा परामर्श विश्वसनीय छन् । त्यसै अनुसार हामीले विद्यार्थी तथा अभिभावकको मायाँ पाएका छौं । हामीले नेपाल सरकार तथा अन्तर्राष्ट्रियस्तरको मान्यता प्राप्त परामर्शदाताबाट परामर्श प्रदान गर्दै आइरहेका छौं । नेपाल सरकार शिक्षा मन्त्रालयबाट स्वीकृति लिएर हामीले संस्था संचालन गरेका छौं ।
अध्ययनका लागि विदेश गएपछि विद्यार्थी स्वदेश फर्कने चलन कस्तो छ ? अहिले अध्ययनको लागि विदेश जाने क्रम बढिरहेको छ । बाहिर अध्ययन गरेर नेपाल फर्कने गरेको प्रशस्त उदाहरण हामी पाउछौं । अध्ययन पश्चात आफ्नो अनुभव लिएर फर्कने क्रम बढेको छ । कतिपय भने उतै सेटल भएको पनि हामी पाउछौं । बिडम्बना नेपालमा उनीहरुले आफ्नो क्षमता तथा दक्षता अनुसारको काम गर्न पाउँदैनन् । नेपालको अस्थिर राजनीति तथा सरकारको बेवास्ताका कारण आफ्नो सिप तथा क्षमता उनीहरुले यहाँ प्रस्तुत गर्न पाउँदैनन् । जसका कारण उनीहरु विदेश पलायन हुने गर्छन् । सरकारले यस विषयमा ध्यान दिनु आवश्यक छ । कतिपय भने नेपालमा नै संघर्ष गरेर काम गरिरहेका छन् । नेपालमा नै उनीहरुको लागि काम गर्ने वातावरण बनाएर दक्ष जनशक्ती पलायनको क्रमलाई रोक्नु आवश्यक छ ।
आइएलटिएस कक्षा पनि सञ्चालन गरिरहनुभएको छ । यो कस्तो कोर्ष हो ?
आइएलटिएस भनेको भाषा परीक्षा हो । क्याम्ब्रिज युनिभर्सिटी युकेले गराउने भाषा परीक्षा हो । अङ्ग्रेजी भाषा बोल्ने देशमा जान तथा अध्ययनको क्रममा भाषाको समस्या नहोस् भनेर यसलाई संचालन गरिएको हो । विद्यार्थीले कुन देशमा गएर कुन कोष तथा कुन लेबल पढ्ने हो त्यसै अनुसार यसको लेवल निर्धारण गरिएको हुन्छ । यसको टोटल नम्वर ९ रहेको हुन्छ । हामीले बिहानदेखि बेलुकासम्म नै कक्षा संचालन गरिरहेका छौं । विद्यार्थीलाई चाहिने सुविधाहरु हामीले प्रदान गर्छौैं । लाइब्रेरी उपलब्ध छ भने समय समयमा प्रिटेस्ट पनि हुन्छ । हामीसँग दक्ष तथा अनुभवी प्रशिक्षक हुनुहुन्छ । एसइइ दिएर बसेका तथा १२ कक्षाको परीक्षा दिएर बस्नुभएका विद्यार्थीलाई फुर्सदको समय सदुपयोग गर्दै आइएलटिएस कोर्ष गर्नुहुन म अनुरोध गर्दछु । भाषाको लेवल बढाउन यसले धेरै सहयोग गर्छ ।
अन्तमा के भन्न चाहानुहुन्छ ?
सम्पुर्ण विद्यार्थीहरु एवं अभिभावकहरु एक पटक हामीलाइ भेटेर आवस्यक परामर्श लिएर मात्र वैदेशीक अध्ययन जस्तो महन्त्वपुर्ण र गम्भिर निर्णय लिनको लागी म आग्रह गर्दछु भने तयारीको लागी पनि प्रशस्त समय लिएर तयारी गर्न आग्रह गर्दछु ।
Great !
Rudra Sir