पोखरा । तेह्रौं दक्षिण एसियाली खेलकुद अन्तर्गत आज भएको महिला फुटबलमा नेपालले बिजयी शुरुवात गरेको छ । पोखरा रंगशालामा भएको खेलमा नेपालले प्रतिद्धन्द्धी श्रीलंकालाई १–० अन्तरले पराजित गरेको हो ।
खेल अवधीभर ्श्रीलंकालाई दवाबमा राखेर खेलेको नेपालले जित भने अन्तिम समयमा आत्मसाथ ग¥यो । नेपालका लागि निर्णायक गोल सरु लिम्वुले गरेकी हुन् । उनले खेलको ८८ औं मिनेटमा गोल गर्दै नेपाललाई जित दिलाइन् ।
यसअघी खेलको १५ औ मिनेटमा सवित्रा भण्डारी साम्भाले डिबक्स भित्र पाएको अवसरलाई सदूपयोग गर्न सकिनन् । नेपालका गोल किपर अन्जिला थम्बापो सुब्बाले खेलको १८औं मिनेटमा बल टच गरेकी थिइन् ।
नेपाल आक्रामक रुपमा प्रस्तुत भएपछि श्रीलंकाले रक्षात्मक रणनीति अप्नाएको थियो । जसका कारण नेपाली खेलाडीले पटक÷पटक डिबक्स भित्र लगेर गोल गर्न गरेको प्रयास असफल भएको थियो ।
नेपाली टिमकी क्याप्टेन निरु थापाले खेलको ३८ औ मिनेटमा हानेको प्रहारलाई श्रीलंकाका गोलकिपर अयोमी विजेराथनाले सहजै बचाइन् । मंगलबारको खेलमा नेपाली महिला फुटवलकी गोल मेसिन भनेर चिनिने सवित्रा भण्डारीसमेत चल्न सकिनन् । यद्वपी उनको खेल भने प्रशंसा योग्य थियो । उनलाई श्रीलंकाली खेलाडीले मार्क गरेका कारण दवाबमा परेकी थिइन् ।
हारपछि प्रतिक्रिया दिदै श्रीलंका महिला फुटबल टिम सहायक प्रशिक्षक डिफानी सफरसिन्हाले नेपालसँगको खेल हारेपनि सन्तुष्ट रहेको बताइन् । उनले नेपालसँगको खेलमा आफ्नो खेलाडीले सन्तोषजनक नै प्रदर्शन गरेको बताइन् ।
नेपाली महिला फुटबल टिमका मुख्य प्रशिक्षक हरि खड्काले मंगलबारको खेलमा आफ्ना खेलाडीले उत्कृष्ट प्रदर्शन गरेको बताए । विपक्षीको डिफेन्सिभ राम्रो हुँदा जितका लागि अन्तिम समयसम्म कुर्नुपरेको उनले प्रतिक्रिया दिए ।
‘हामीले अट्याकिङ खेलेका थियौं । तर, श्रीलंकाले डिफेन्सिभ खेलेकाले जितका लागि अन्तिम समय कुर्नु परेको हो,’ प्रशिक्षक खड्काले भने, ‘तर, आजको समग्र खेललाई हर्ने हो भने हाम्रो खेल उत्कृष्ट थियो ।’
Comments are closed.