सिटी रेवान महोत्सव समग्र पोखरेलीको होः केपी शर्मा पाध्या

केपी शर्मा पाध्या
सल्लाहकार, सिटी रेवान, पोखरा

सिटी रेवानको आयोजनामा पोखराको नयाँबजारस्थित प्रदर्शनी केन्द्रमा फागुन १७ देखि २४ गतेसम्म सिटी रेवान महोत्सव तथा फुड फेस्टिवल हुँदैछ । यो महोत्सव महोत्सव समग्र पोखरेलीको हो । यो महोत्सवले समग्र पोखराको विकासमा सघाउँछ । यसले पोखराको पर्यटनमा पनि सघाउँछ । पोखरालाई ब्राण्डिङ गर्दै पर्यटन प्रवद्र्धनमा महोत्सवले सहयोग गर्छ ।

पोखरामा उत्पादित वस्तुलाई बजार व्यवस्थापन गर्न, गण्डकी प्रदेशको उद्योग, व्यवसायहरुको प्रवद्र्धन गर्ने उद्देश्यले महोत्सव आयोजना गरेका हौं । कला संस्कृतिको जगर्ना गर्नेपनि हाम्रो उद्देश्य हो । महोत्सवमार्फत संस्कृति, धर्म, परम्परालाई जोगाउने उद्देश्य अनुरुप नै हामीले शिवरात्रीको अवसरमा मेला आयोजना गरेका हौं । धर्मलाई र संस्कारलाई बचाई राख्नुपर्छ भन्ने मान्यतामा हामी छौं ।

MANASLU

पछिल्लो समय च्याउ सरी महोत्सव हुँदा यसको महत्व घट्दै गएको छ । सेड्युल अनुसार मेला गर्नु राम्रो हो । तर उद्देश्य बिना जुनसुकै समयमा महोत्सव हुँदा यसको महत्व घटेको हो जस्तो लाग्छ मलाई । अब मेला महोत्सव संस्थाको उद्देश्य र समय सन्दर्भ मिलाएर आयोजना गरिनुपर्छ र त्यसका लागि पहल गर्न जरुरी छ । समय सन्दर्भ अनुसार नै हामीले यसपटक शिवरात्रीको अवसरमा महोत्सव आयोजना गरेका हौं ।

महोत्सव सबैलाई फाइदा हुने हिसाबले हुनुपर्छ । आवश्यक्ता अनुसार मेला महोत्सवलाई परिमार्जित गर्दै लैजानुपर्छ । कलाकारहरु पनि फेरिफेरि ल्याउनुपर्छ । एउटै कलाकार सबैतिर हुँदा दिक्दार लाग्दो हुन्छ । हामीले यस पटकको महोत्सवमा त्यसलाई ध्यान दिएका छौं । स्थानीय उत्पादनलाई प्राथमिकता दिने, उद्योग व्यवसायलाई प्रवद्र्धन गर्ने लगायतका गर्न सकियो भने मेला महोत्सवको महत्व बढ्छ र दर्शकको सहभागिता पनि बढ्छ ।

सम्बन्धित खवर
baba hardware
टिप्पणिहरु
Loading...