पोखरा, ५ माघ ।
उच्च शिक्षालय तथा माध्यमिक विद्यालय संघ नेपाल (हिसान) कास्कीको १२औं हिसान कास्की स्पोर्ट्स मिट–२०७५” अन्र्तगत छात्रा–छात्र भलिबल, छात्रा–छात्र बास्केटबल र छात्रा–छात्र टेबुल टेनसका खेलहरु पोखरा रंगशालामा जारी छ ।
शनिबार सम्पन्न छात्र भलिबलतर्फ स्पाइरल ग्यालेक्सी, मेरिगोल्ड माबी, पोखरा मल्टिमोडल, र पोखरा माबी ले आ–आफ्नो खेल जित्दै सेमिफाइनलमा प्रवेश गरेका छन ।
खेलमा स्पाइरलले न्यू ग्यालेक्सीलाई २५–१८ र २५–२० को अंकले, मेरिगोल्डले मदरल्याण्डलाई २५–१७ र २५–२० ले पोखरा मल्टी मोडलले प्रतिभा माबीलाई २५–१५ र २५ –१७ ले र पोखरा माबीले केफलाई २५–२७, २५–१६ र २५–२३ ले पराजित गरेको छ ।
यसै गरि छात्र बास्केटबलमा पोखरा उच्च माबीले कास्की मोर्डनाइज्डलाई ४८–२० ले, प्रतिभाले ग्लोबललाई ३७–२३ ले पराजित गरेको छ । यसै गरि छात्रा तर्फको क्वाटर फाइनलमा माउन्ट अन्नपूर्णले प्रतिभालाई २५–११ ले, लिटिल स्टेपले गुरुकुललाई पराजित गरेका छन । शनिवारनै सम्पन्न पहिलो सेमिफाइनलमा माउन्ट अन्नपूर्णले लिटिल स्टेपलाई २५–९ ले पराजित गर्दै फाइनलमा स्थान सुरक्षित गरेको छ ।
यसै गरि टेबुल टेनिस तर्फ छात्रा सिंगलसमा पोखरा उच्च माबीकी सबिता गौतमले प्रथम स्थान हासिल गरिन । त्यसै गरि दोश्रो र तेश्रो स्थानमा क्रमश सगरमाथाकी अपेक्षा थापा, सृजनाकी कल्पना थापा र प्रतिभा माबीकी रोशनी कुंवर भएका छन ।
छात्र सिगल्समा वेलनन माबीका नविन गुरुङ प्रथम, सगरमाथाका प्रज्वल केसि द्वितिय, स्टेप बाई स्टेपका एलिश ढकाल र सोही विद्यालयका प्रताप खड्कालो तृतिय स्थान हासिल गरेका छन ।
छात्रा टेबुल टेनिस डबल्समा पोखरा उच्च माबीका सरिता गौतम र सदिक्षा राणाको जोडी प्रथम, प्रतिभाका रोशनी कुवर र सविना क्षेत्रीको जोडी द्वितिय र सृजना माबीका कल्पना थापा र नम्रताको जोडी चालिसे तथा स्टेप वाई स्टेपका जिना परियार र शिम्रन बिकको जोडीले तेश्रो स्थान हात पारे ।
यसै गरि छात्र डवल्समा वेलननका नविन गुरुङ र राहुल सुनारको जोडी प्रथम भएको छ । खेलमा पश्चिमाञ्चलका धन थापा र कबिर श्रेष्ठको जोडी द्वितिय र पोखरा यूनाइटेडका विमल मरहट्टा र कबिर मरहट्टा तथा ग्लोवल कलेजियटका अमृत पून र शुसान पूनको जोडीले तृतिय स्थान हात पारे ।
कास्कीमा उच्च शिक्षा अध्यापन हुने ६२ विद्यालय र कलेजहरु आवद्ध रहेका मध्ये ५० भन्दा वढी विद्यालय तथा कलेजहरु ८ हजार विद्यार्थीहरुले स्पोर्टस मिटमा सहभागिता जनाएको हिसान कास्कीका अध्यक्ष डा. रामजी शर्माले बताए । प्रतियोगिता माघ ६ गते आइतबार सम्पन्न हुने सचिब दिवाकर जैशीले जानकारी दिएका छन ।
Comments are closed.