आर्थिक आवाज
पोखरा । निजी क्षेत्रको सबैभन्दा ठूलो बैंक एनआइसी एसियाले विविध सुविधा युक्त नयाँ ‘सुपर चमत्कारिक’ निक्षेप योजना ल्याएको छ । बैंकले २२औं वार्षिकोत्सवको अवसरमा उक्त योजना सार्वजनिक गरेको शुक्रबार आयोजित पत्रकार सम्मेलनमा बैंकका गण्डकी प्रदेश प्रादेशिक प्रमुख दीपेन्द्र शर्माले जानकारी दिए ।
‘यो योजनामा ३० वटा विशेष विशेषता छन्,’ शर्माले भने, ‘यस अघिको चमत्कारिक निक्षेप योजनाको सफलता पछि सपुर चमत्कारिक बचत योजना सञ्चालनमा ल्याएका हौं ।’ ग्राहकलाई धेरै भन्दा धेरै सेवा दिने लक्ष्यसहित यो योजना ल्याइएको शर्माले बताए । जनमानसको बचत गर्ने बानीलाई थप प्रोत्साहन गर्दै बचतको उचित प्रतिफल पनि यो योजनामार्फत प्रदान गरिने शर्माले पत्रकार सम्मेलनमा बताए ।
उक्त योजना अन्तर्गत ग्राहकले आफ्नो र आफ्नो परिवारको सुरक्षार्थ १ करोड ३१ लाख ५० हजार रुपैयाँसम्मको बिमा सुविधा प्राप्त गर्नेछन् । परिवारका सम्पूर्ण सदस्यहरुको दुर्घटनाबाट मृत्यु वा पूर्ण अशक्तताका लागि १ करोड रुपैयाँसम्मको बिमा सुविधा पाउनेछन् । दम्पत्तिका लागि २५ वटा घातक रोगहरुको लागि ३० लाख रुपैयाँसम्मको बिमा सुविधा, परिवारका लागि १ लाख ५० हजार रुपैयाँसम्मको औषधी उपचार बिमा पनि यो योजनामा समावेश रहेको बैंकका प्रादेशिक उपप्रमुख बिनितराज पाण्डेले बताए ।
यो योजना अन्तर्गत ग्राहकहरुले देशभरका कुनै पनि बैंकको कुनै पनि एटिएमबाट निःशुल्क रुपमा रकम निकाल्न सक्नेछन् । कर्जामा समेत विशेष छुटका साथै घरमै बसेर बैंकिङ सुविधा प्राप्त गर्न सक्ने, निःशुल्क डिम्याट खाता खोल्न, निःशुल्क इ–कमर्श एक्टिभेसन, निःशुल्क लकर सुविधा, अनलाइन मुद्दतिमा खाताको सुविधा, निःशुल्क क्रेडिट कार्डको सुविधालाई यो योजनाले समेटेको बताइएको छ ।
‘सुपर चमत्कारिक बचत खाता’, ‘सुपर चमत्कारिक नारी बचत खाता’, ‘सुपर चमत्कारिक ज्येष्ठ नागरिक बचत खाता’, ‘सुपर चमत्कारिक बाबु नानी बचत खाता’, ‘सुपर चमत्कारिक विद्यार्थी बचत खाता’, ‘सुपर चमत्कारिक स्वरोजगार बचत खाता’, ‘सुपर चमत्कारिक बैदेशिक रोजगार बचत खाता’, ‘सुपर चमत्कारिक उद्यमशील बचत खाता’, ‘सुपर चमत्कारिक तलब बचत खाता’हरु योजना अन्तर्गत सार्वजनिक गरिएको छ ।
देशभर २ सय ९७ वटा शाखा कार्यालय रहेको बैंकले ३ सय ४६ वटा एटिएमबाट सेवा प्रदान गरिरहेको छ । ५८ वटा एक्स्टेन्स काउन्टर एवं ४१ वटा शाखारहित बैंकिङ सेवा प्रदान गरिरहेको बैंकले करिब १८ लाख ग्राहकलाई सेवा प्रदान गरिरहेको शर्माले जानकारी दिए ।
Comments are closed.