वैशाख २३, पोखरा ।
प्रदेश स्तरीय औद्योगिक प्रदर्शनी तथा रोजगार मेला पोखरामा जारी छ । नेपाल घरेलु तथा साना उद्योग महासंघ प्रदेश ४ र नेपाल घरेलु तथा साना उद्योग महासंघ, कास्कीको आयोजनामा पोखरा प्रदर्शनी केन्द्रमा गत बिहीबार सुरु मेला सोमबार सकिदैछ ।
मेलामा स्वदेशी उत्पादनको बृहद प्रदर्शनी, नविनतम प्रविधिहरुको प्रदर्शनी, महिला उद्यमीहरुद्वारा उत्पादित बस्तुको प्रदर्शनीका साथमा रोजगार मेला आयोजना गरिएको महासंघ अन्तर्गत महिला उद्यम विकास समिति केन्द्रीय सदस्य चिनु गुरुङले जानकारी दिइन् ।
मेलामा ५५ वटा स्टल राखिएका छन् । ‘मेलामा स्वदेशी उत्पादन मात्र राखिएका छन्,’ गुरुङले भनिन्, ‘नेपाली उत्पादनहरुको प्रदर्शनी तथा बिक्री भइरहेको छ ।’ बजार प्रवद्र्धन तथा उत्पादनहरुको बजारीकरणका लागि मेला प्रभावकारी बनेको उनले बताइन् । उनले भनिन्, ‘मेलामा लक्षित समूहको उपस्थिति राम्रो छ ।’
प्रदेश अन्तर्गतका ११ वटा जिल्लाका उद्यमी तथा व्यवसायीहरुकोे मेलामा प्रतिनिधित्व छ । मेलाको सोमबार एक कार्यक्रमका बीच समापन गरिनेछ ।
Comments are closed.