क्यान इन्फोटेकमा व्रदरका नयाँ प्रडक्टको बिक्री सुरुवात

पोखरा । ब्रदरको ‘ए थ्रि’ साइजमा रिफिल ट्यांक सिस्टम एमएफसी–टि ४५०० डि डब्लु बजारमा आएको छ । यहाँको आधिकारिक बिक्रेता जेनेक्स ट्रेडर्सले यो प्रडक्टलाई पोखरामा पहिलो पटक लन्च गरेको छ । पोखरामा जारी क्यान इन्फोटेकको अवसरमा यो प्रडक्ट लन्च गरिएको कम्पनीका सेल्स डाइरेक्टर विजय केसीले जानकारी दिए ।

एचएल–टि ४००० डि डब्लुलाई पनि क्यान इन्फोटेकमै लन्च गरिएको छ । यी सेरिजहरुमा मोबाइल प्रिन्टिङ, टुसाइडेड प्रिन्टिङ, नेटवर्क प्रिन्टिङ, वायरलेस प्रिन्टिङ लगायतका विशेषता रहेको जेनेक्सका सञ्चालक नविन पौडेलले जानकारी दिए । ब्ल्याकले ६ हजार ५०० र अन्य थ्रि कलरले ५ हजार प्रिन्ट गर्न सक्ने क्षमता रहेको छ ।

यसैबीच, जेनेक्सले लेबल मेकर बनाउन सक्ने मेसिनहरु पनि प्रदर्शनीका लागि क्यान इन्फोटेकमा राखेको छ । जुन पोखराको बजारका लागि नयाँ तथा आवश्यक पर्ने प्रिन्टरहरु हुन सक्ने कम्पनीको विश्वास छ । जेनेक्सले कर्पोरेट सिरिजको प्रडक्टहरुलाई प्राथमिकतामा राखेको पौडेलले बताए । प्रतिमिनेट ५० प्रति प्रिन्ट गर्न सक्ने क्षमता राख्ने, २० हजारसम्म एउटै कार्टेजले प्रिन्ट गर्न सक्ने क्षमताका प्रिन्टर बिक्री गर्दै आइरहेको छ । यीनै प्रिन्टरमा एनएफसी कार्ड, सेक्युरिटी सोलुसन लगायतका सुविधा पनि उपलब्ध छन् ।

‘बजारमा आउने नर्मल र होम युजर प्रिन्टरहरु भन्दा फरक प्रडक्टलाई जेनेक्सले प्राथमिकतामा दिएको छ,’ केसीले भने, ‘उपभोक्ताले आफ्नो आवश्यकता अनुसारका उच्च गुणस्तरीय तथा धेरै विशेषता भएका पोडक्ट जेनेक्समा विकल्पसहित पाउनुहुनेछ ।’

You might also like

Comments are closed.