पोखरा । पोखरामा रहेको सांग्रिला भिलेज रिसोर्ट प्रा.लि.ले ‘ट्राभलर्स च्वाइस अवार्ड’ प्राप्त गरेको छ । प्रशिद्ध ट्राभल वेबसाइट कम्पनी ट्रिप एडभाइजरले सन् २०२० का लागि सांग्रिला भिलेज रिसोर्ट पोखरालाई उक्त अवार्ड प्रदान गरेको हो ।
आन्तरिक तथा बाह्य पर्यटकको आकर्षक गन्तव्य बन्न सफल रिसोर्ट निकै सुविधा सम्पन्न तथा आकर्षक छ । उक्त अवार्ड प्राप्त गर्दा निकै खुसी लागेको रिसोर्टका रेसिडेन्ट म्यानेजर गुप्त गिरीले बताए । ‘यो अवार्डको मुख्य श्रेय हामी हाम्रा अतिथिहरुलाई दिन्छौं,’ उनले भने, ‘हाम्रो पुरै टिम हाम्रा अतिथिहरुसँग निकै आभारी छौं । हामी आगामी दिनमा हाम्रा अतिथि पाहुनाहरुलाई अझै राम्रो आतिथ्य सत्कार गर्नका लागि आतुर छौं ।’
रिसोर्ट निकै रमणीय र आकर्षक वातावरणमा सञ्चालित छ । पोखराको घारीपाटनमा रहेको उक्त रिसोर्टमा सुविधासम्पन्न ६१ वटा रुम छन् । उत्कृष्ट सेवाकै कारण रिसोर्ट पर्यटकको रोजाईमा पर्ने गरेको गिरी बताउँछन् ।
‘पर्यटकले होटलको स्ट्याण्डर्ड पनि खोज्छन् । पारिवारिक वातावरण पनि चाहिन्छ,’ उनले भने, ‘पर्यटकले खोजेको जस्तो सेवा हामी प्रदान गर्न सफल छौं । आतिथ्यता र स्वाद पनि उत्तिकै महत्वपूर्ण हुन्छ, जुन हामी दिन्छौं ।’ प्रशस्त पार्किङ, हिमालका भ्यूहरु जहाँ बस्यो त्यहिंबाट देखिनु पनि रिसोर्टका थप विशेषता हुन् ।
Comments are closed.