काठमाडौं । ओली एण्ड एसोसिएट्सको आयोजनामा इन्टरनेशनल एजुकेसन फेयर २०२२ हुने भएको छ । फेयर आगामी बिहीबार पुतली सडकमा रहेको स्टार मलको तेस्रो तल्लामा बिहान १० बजेदेखि अपराह्न ४ बजेसम्म संचालन हुनेछ ।
उच्च शिक्षा अध्ययनका लागि अमेरिका जान चाहने विद्यार्थीलाई मध्यनजर गरि फेयरको आयोजना गरिएको हो । फेयरमा विद्यार्थीले अमेरिकाका उत्कृष्ट युनिभर्सिटीका प्रतिनिधीसँग प्रत्यक्ष भेट तथा अन्तक्र्रिया गर्न पाउनेछन् ।
फेयरमा निशुल्क प्रवेश गर्न पाइनेछ । विद्यार्थीलाई कलेज तथा युनिभर्सिटीका कोर्ष तथा छात्रवृत्तिवारे जानकारी दिइनुका साथै विद्यार्थीको रुची, क्षमता र स्तर अनुशारको कोर्ष छनोट गर्न पनि परामर्श प्रदान गरिने बताइएको छ । विद्यार्थीले फेयरबाट नै एप्लिकेसन पनि दिनसक्ने छन् ।
Comments are closed.