पोखरा । पोखराको प्रतिभा मा.विका छात्र अजर गुरुङले ‘अन्तर्राष्ट्रिय बिजनेस ओलम्पियाड–२०२२’ मा स्वर्ण पदक जितेका छन् ।
डिसेम्बरमा चीनमा भएको प्रतिश्पर्धामा विभिन्न देशका प्रतिश्पर्धीलाई पछाडि पार्दै गुरुङले स्वर्ण पदक जितेका हुन् । गुरुङ प्रतिभा मा.वि मा कक्षा १२ मा व्यवस्थापन संकायमा अध्ययनरत छन् ।
प्रतियोगितामा गुरुङ सहित विभिन्न २० वटा देशका १५६ विद्यार्थी सहभागि रहेको प्रतिभा माविका निर्देशक किरण सापकोटाले जानकारी दिए ।
सापकोटाका अनुसार चीनमा कोरोना भाइरस संक्रमणका कारण भौतिक उपस्थितिमा प्रतिश्पर्धा हुन नसकेपछि भर्चुअल माध्यमबाट प्रतिश्पर्धा भएको थियो । गुरुङले स्वर्ण पदक जितेसँगै नेपाली विद्यार्थी पनि अब्बल छन् भन्ने धारणा विकास हुने सापकोटाले बताए ।
Comments are closed.