पोखरा । यही माघ २२ (फेब्रुअरी ५) गते पोखरामा हुने ‘द लार्जेस्ट युके एजुकेशन फेयर २०२३’ को तयारी अन्तिम चरणमा पुगेको छ । पोखराको एसआईयुके कन्सल्टेन्सीले युके अध्ययन गर्न जान चाहने विद्यार्थीहरुलाई लक्षित गरी फेयर हुन लागेको हो ।
फेयरमा विद्यार्थी तथा अभिभावकले युकेमा रहेका प्रतिष्ठित २५ भन्दा धेरै विश्वविद्यालयका प्रतिनिधिहरुसँग सिधै भेट्न तथा आफ्ना जिज्ञासा राख्न पाउने बताइएको छ ।
फेयरमा सहभागी हुने विद्यार्थीहरुलाई स्मार्ट फोन, फिल्म टिकट र उत्कृष्ट पाँच जना विद्यार्थीलाई हवाई टिकटलगायत विभिन्न उपहार प्रदान गरिने एसआईयुके कन्सल्टेन्सीका सागरबाबु गिरीले जानकारी दिए ।फेयर पोखराको न्यूरोडमा रहेको सिटी स्क्वायरमा बिहान ११ बजेदेखि अपराह्न ४ बजेसम्म हुनेछ ।
फेयरमा सहभागी भएर विदेशमा उच्च शिक्षा अध्ययनका लागि आवश्यक पर्ने सम्पूर्ण जानकारी लिन एसआईयुके कन्सल्टेन्सीले आग्रह गरेको छ ।
Comments are closed.