काठमाडौं । मलेसियाका गृहमन्त्री सैफुद्दिन नासुसन इस्माइल आज नेपाल भ्रमणमा आउँदै छन् ।
मलेसियाका गृहमन्त्री इस्माइल तीन दिने नेपाल भ्रमणका लागि बिहीबार साँझ ७ बजे काठमाडौं आइपुग्ने परराष्ट्र मन्त्रालयले जनाएको छ ।
गृहमन्त्री इस्माइलले भ्रमणका क्रममा शुक्रबार श्रम, रोजगार तथा सामाजिक सुरक्षामन्त्री डोलप्रसाद अर्यालसँग औपचारिक भेटवार्ता गर्ने कार्यक्रम रहेको छ ।
त्यस्तै, गृहमन्त्री इस्माइलले मलेसियाको ‘फरेन वर्कर इम्प्लोइमेन्ट रिल्याक्सेशन प्लान’बारे नेपाली अधिकारीसँग छलफल गर्ने बताइएको छ । तीन दिने भ्रमण सम्पन्न गरी गृहमन्त्री इस्माइल आगामी शनिबार स्वदेश फर्कने छन् ।
Comments are closed.