सुनको मूल्य एक सय रुपैयाँले घट्यो

काठमाडौं । नेपाली बजारमा बिहिबार सुनको मूल्य एक सय रुपैयाँले घटेको छ । नेपाल सुनचाँदी व्यवसायी महासंघका अनुसार आज सुनको मूल्य एक सय रुपैयाँले घटेर प्रतितोला १ लाख ९ हजार ६ सय रुपैयाँ कायम भएको छ । हिजो छापावाला सुनको मूल्य प्रतितोला १ लाख ९ हजार ७ सय रुपैयाँमा कारोबार भएको थियो ।

आज तेजाबी सुनको मूल्य प्रतितोला १ लाख ९ हजार एक सय रुपैयाँमा कारोबार भइरहेको छ । त्यस्तै हिजो तेजाबी सुनको मूल्य प्रतितोला १ लाख ९ हजार २ सय रुपैयाँमा कारोबार भएको थियो ।

आज चाँदीको मूल्य भने स्थिर रहेको छ । आज चाँदीको मूल्य प्रतितोला १ हजार ४ सय १५ रुपैयाँ कायम भएको महासंघले जनाएको छ । अघिल्लो दिन पनि चाँदी सोहि मूल्यमा कारोबार भएको थियो ।