कुमुदिनी होम्स माध्यमिक विद्यालयमा आधारभूत तह स्तरीय नेपाली हिज्जे प्रतियोगिता सम्पन्न

पोखरा । समयसापेक्ष रूपमा विद्यार्थी,शिक्षक र अभिभावक केन्द्रित कार्यक्रमलाई निरन्तरता दिइरहेको पोखराको गैह्रापाटनमा अवस्थित कुमुदिनी होम्स माध्यमिक विद्यालयमा विद्यालयको वार्षिक कार्यतालिका अनुसार मङ्गलबार आधारभूत तह (कक्षा ६-८)स्तरीय नेपाली हिज्जे प्रतियोगिता सम्पन्न भएको छ ।

विद्यार्थीहरूमा नेपाली भाषाका भाषिक सीप उन्नयनका साथै उच्चारण र लेखनका क्रममा हुने गरेका भाषिक त्रुटिहरू निराकरण गराउने उच्च अभिप्रायका साथ सो कार्यक्रम आयोजना गरिएको हो । अन्तर सदनात्मक रूपमा सञ्चालन गरिएको सो प्रतियोगितामा रातो र निलो सदनले क्रमश : प्रथम र द्वितीय स्थान आर्जन गरेका थिए ।