पोखरा । रेष्टुरेण्ट एण्ड वार एशोसियसन (रेवान) पोखराको २९ औं वार्षिक साधरण सभा शुक्रबार होटल माउण्ट कैलाश रिसोर्ट लेकसाइड सम्पन्न भएको छ । रेवान पोखराका अध्यक्ष नरेश भट्टराईको अध्यक्षतामा कार्यक्रम भएको हो ।
साधारणसभामा प्रमुख अतिथि पोखरा महानगरपालिकाका वडा न. ६ वैदामका वडा अध्यक्ष विष्णुवहादुर भट्टराई, रेवान केन्द्रका अध्यक्ष अरनीको राज भण्डारी, नेपाल पर्यटन बोर्ड गण्डकी प्रदेशका निमित्त प्रमुख नविन पोखरेल, पोखरा पर्यटन परिषदका उपाध्यक्ष कृष्ण भण्डारी, पत्रकार महासंघ कास्कीका उपाध्यक्ष जमुना वर्षा शर्मा, रेवान पोखराका पूर्व अध्यक्ष गणेश वहादुर भट्टराई लगायतले शुभकामना मन्तव्य राखेका थिए ।
सभामा स्वागत मन्तव्य संस्थाको प्रथम उपाध्यक्ष विश्व राज पौडेलले राखेका थिए । कार्यक्रममा विभिन्न संघ संस्थाका अध्यक्ष तथा प्रतिनिधि, रेवान पोखराका पूर्व अध्यक्ष तथा पदाधिकारी, विभिन्न आमा समूहका अध्यक्ष तथा प्रतिनिधि, पत्रकार तथा सञ्चारकर्मी, विभिन्न प्रायोजकहरुको उपस्थिति थियो ।
सभामा रेबान पोखराको कार्य नीति विवरण तथा प्रतिवेदन आर्थिक वर्ष २०७९\०८० को प्रगति विवरण एवं २०८०÷०८१ को प्रस्तावित कार्यक्रमहरु रेवान पोखराका महासचिव विकास भट्टराईले प्रस्तुत गरेका थिए ।
कार्यक्रममा पर्यटकीय नगरी पोखरामा रेष्टुरेण्ट तथा वारहरुको व्यावसायिक हकहित संरक्षण, प्रवद्र्धन तथा सम्वद्र्धनको लक्ष्यसहित रेवान पोखरा स्थापना भएको हो । संस्था स्थापनाको २९ औं वर्षमा प्रवेश भएको छ ।
Comments are closed.