नेपाली काँग्रेस अछाम काठमाण्डौ सम्पर्क समितिको आयोजनामा विजयादशमी, शुभ दिपावली, छठ पर्व एवम् नेपाल सम्वत ११४४ को अवसरमा शुभकामना आदानप्रदान कार्यक्रम सम्पन्न भएको छ । नेपाली कांग्रेसका केन्द्रीय सदस्य डा.आरजु राणा देउवाको प्रमख आतिथ्यतामा कार्यक्रम भएको हो ।
कार्यक्रममा बोल्दै डा. देउवाले सवै जना संगठन बलियो बनाउन लाग्नुपर्ने बताइन् । उनले अवसरका लागि हतार नगर्न पनि नेता तथा कार्यकर्तालाई आग्रह गरेकी छन् । माता दुर्गा भवानीले सबैमा सकरात्मक सोच्ने शक्ति प्रदान गरुन् भन्दै उनले सवैले सकारात्मक सोच्नुपर्ने बताएकी छन् ।
कार्यक्रमका सभापति तथा अछाम–काठमाडौं सम्पर्क समितिका सभापति जनकबहादुर धामीले नेपाली काँग्रेसलाई एकतावद्ध बनाएर लैजानुपर्नेमा जोड दिए । साथै धामीले काठमाडौं र अछामलाई केन्द्रित गरि विभिन्न कार्यक्रम गरिने बताए ।
समितिका सचिव भीमबहादुर कुँवरले संचालन गरेको कार्यक्रममा स्वागत उपसभापति दुर्गाप्रसाद तिमिल्सिनाले गरेका थिए।
Comments are closed.