काठमाडौं । नेपाल वैदेशिक रोजगार व्यवसायी संघका कार्यसमिति सदस्य तथा साउदी संयोजक वैकुण्ठप्रसाद पौडेल ‘वैभव’ सम्मानित भएका छन् । प्रगतिशील वैदेशिक रोजगार व्यवसायी मञ्चले एक कार्यक्रमबीच उनलाई सम्मान गरेको हो ।
संघको जिम्मेवारीमा रहेर महत्वपूर्ण योगदान गरेकाले पौडेललाई सम्मान गरिएको मञ्चका अध्यक्ष जनक रावलले बताए ।
साउदी संयोजक पौडेलले लामो समयदेखि अबरुद्ध साउदी आइडी समस्याको समाधानका लागि पहल गरेका थिए । नेपाली राजदूताबास रियाध तथा कन्सुलेट अफिस जेद्धा साउदी अरबसँग समन्वय गरी व्यवसायी तथा कामदार समस्या समाधानमा पौडेलले खेलेको भूमिका प्रशंसा गर्दै सम्मान गरिएको मञ्चले जनाएको छ ।
रोजगारदाता र कामदारहरुको समस्या बुझेका साउदी संयोजक हुँदा काम गर्न सजिलो भएको मञ्चका महासचिव मीलन कट्टेलले बताए ।
सम्मानले आफूलाई थप काम गर्न प्रेरणा मिलेको साउदी संयोजक पौडेलले बताए ।
Comments are closed.