काठमाडौं । युवा उद्यमी प्रदीप श्रेष्ठले ‘योङ इन्टरप्रेनर अवार्ड’ प्राप्त गरेका छन् ।
यात्रा प्लस र एक्जिटो इभेन्टले आइतबार काठमाडौंमा आयोजित एक कार्यक्रमबीच श्रेष्ठलाई उक्त अवार्ड प्रदान गरेको हो । कार्यक्रमका प्रमुख अतिथि प्रतिनिधिसभा उपसभामुख इन्दिरा राना मगर लगायत अतिथिहरुले उनलाई अवार्ड प्रदान गरेका हुन् ।
युवा उद्यमी श्रेष्ठ झण्डै दुई दशकदेखि व्यावसायिक क्षेत्रमा सक्रिय छन् । अवार्ड प्रदान गर्ने संस्थाप्रति आभार व्यक्त गर्दै उनले अवार्डले उद्यमशीलताका क्षेत्रमा लगानी बढाउन र थप सक्रियताका साथ काम गर्न प्रेरणा मिलेको बताए ।
सामाजिक, व्यावसायिक तथा अन्य विभिन्न क्षेत्रमा उत्कृष्ट योगदान पुर्याउने व्यक्तिहरुलाई उक्त अवसरमा अवार्ड प्रदान गरिएको यात्रा प्लसका सिइओ अनुजा आचार्यले जानकारी दिइन् । एक्जिटो इभेन्ट्सका डाइरेक्टर सफ्रिन सिलवालको अध्यक्षतामा कार्यक्रम भएको हो ।
Comments are closed.