पोखरा । पश्चिमाञ्चल अटोमोबाइल डिलर्स एसोसिएसन (वाडा) ले स्थापना दिवस मनाएको छ । बिहीबार १९औं स्थापना दिवसको अवसरमा एसोसिएसनले मानवसेवा आश्रम छोरेपाटनलाई सहयोग गरेको छ ।
एसोसिएसनले आश्रमलाई खाद्यान्न तथा दैनिक उपभोग्य सामानहरु सहयोग गरेको उपाध्यक्ष दीपेन्द्र कोइरालाले जानकारी दिए ।
संस्थापक अध्यक्ष राजेन्द्रकुमार बाटाजूको प्रमुख आतिथ्यतामा तथा अध्यक्ष कृष्णप्रसाद श्रेष्ठको अध्यक्षतामा सहयोग हस्तान्तरण कार्यक्रम भएको छ । उक्त अवसरमा एसोसिएसनले आश्रमलाई ४५ हजार रुपैयाँ बराबरको सामानहरु सहयोग गरेको छ ।
हरेक स्थापना दिवसको अवसरमा सामाजिक उत्तरदायित्व बहन गर्दै एसोसिएसन विभिन्न संघसंस्थालाई सहयोग गर्दै आइरहेको छ । स्थापना दिवसको अवसरमा मानवसेवा आश्रमलाई सहयोग गर्न पाउँदा खुसी लागेको अध्यक्ष श्रेष्ठले जानकारी दिए ।
Comments are closed.