पोखरा । पश्चिमाञ्चल अटोमोबाइल डिलर्स एसोसिएसन (वाडा)को नवनिर्वाचित कार्यसमितिलाई लायन्स क्लब्स इन्टरनेशनल डिष्ट्रिक्ट ३२५ जे, नेपालको तर्फबाट बधाई तथा शुभकामना ज्ञापन गरिएको छ ।
डिष्ट्रिक्ट गभर्नर मिलन थापा लगायतले वाडाका नवनिर्वाचित अध्यक्ष दीपेन्द्र कोइराला लगायत पदाधिकारीलाई सम्मान गरेका हुन् । कोइराला लायन्सको जोन चियरपर्सन समेत हुन् ।
हालै सम्पन्न निर्वाचनबाट कोइरालाको अध्यक्षतमा नयाँ कार्यसमिति निर्वाचित भएको थियो । वाडाको वरिष्ठ उपाध्यक्षमा शिव श्रेष्ठ, उपाध्यक्षमा निरन केसी, महासचिवमा विनय थापा, कोषाध्यक्षमा अशोक चालिसे र सचिवमा दीपेन्द्र भण्डारी निर्वाचित थिए ।
कार्यसमिति सदस्यमा छबिलाल सुवेदी, सन्ध्या पौडेल, नूरज बाटाजू, सौरभ थापा, अशोक चौधरी, शिव ॐ बराल, अम्बिका मोहन भट्टराई, बालकृष्ण कोइराला र प्रतीक सुवेदी निर्वाचित भएका थिए भने नवनिर्वाचित अध्यक्ष कोइरालाले देबेन्द्र नकर्मी, नरेश सुवेदी र छबिलाल गौतमलाई कार्यसमिति सदस्यमा मनोनीत गरेका छन् ।
Comments are closed.