काठमाडौं । नागरिक अनलाइनका सम्पादक कपिल ज्ञवाली उत्कृष्ट पत्रकारिता पुरस्कारबाट सम्मानित भएका छन् । बुटवल जेसीजको ५१ औँ पदस्थापन समारोहमा ज्ञवालीलाई ‘स्व.गणेशमान सैंजू स्मृति बुटवल जेसिज उत्कृष्ट पत्रकारिता पुरस्कार –२०२४’ प्रदान गरिएको हो ।
युवा र जेसीज अभियानमा केन्द्रित रहेर पत्रकारिताको माध्यमबाट समाज रुपान्तरणमा उल्लेखनीय योगदान पु¥याएको भन्दै उनलाइ पुर्वमन्त्री एवं प्रतिनिधिसभा सदस्य सुरेन्द्रराज आचार्य, बुटवल जेसीजका अध्यक्ष बिनोद घिमिरे, छनोट समितिका संयोजक नारायण घिमिरेलगायतले दोसल्ला, सम्मानपत्रसहित सम्मान गरेका हुन् ।
करिब दुइ दशकदेखि पत्रकारितामा क्रियाशील ज्ञवाली गोरखापत्र संस्थानमा रुपन्देहीको सिद्धार्थनगर समाचारदाता तथा बुद्ध सामुदायिक टेलिभिजनको प्रमुख कार्यकारी अधिकृत (सिइयो) समेत हुन् ।
Comments are closed.