बिगतमा पनि हामीले पोखरा उद्योग वाणिज्य संघसँग मिलेर मोबाइल मेला गरेका थियौं । अहिले चौथो संस्करणको मोवाइल मेला पोखराको नयाँबजारस्थित प्रदर्शनीकेन्द्रमा सुरु भएको छ । माघ १० गते सुरु भएको मेला १७ गतेसम्म चल्नेछ । मेलालाई हामीले फरक ढंगबाट गर्दैछौं । मेलालाई रमाइलोको लागि मात्र नगरेर व्यवसायको प्रवद्र्धन तथा नयाँ कुरा जानकारी लिने माध्यम बनाउछौं ।
मेलामा २४ वटा स्टल हामीले लिएका छौं । अन्तर्राष्ट्रियस्तरका नयाँँ तथा पुराना ब्राण्डका मोबाइल तथा मोवाइलका एसेसरिज, डाटा केवल, इयर बड, स्मार्ट वाच, लगायतमा सामान स्टलमा राखिएका छन् । मोबाइल रिपेयरिङका लागि पनि स्टल छन् ।
मोबाइल मेला अवलोकन गर्ने अवलोकनकर्ताले विभिन्न नयाँ प्रविधि तथा ब्राण्डका वारेमा एकै स्थानमा जानकारी लिन सक्ने व्यवस्था हामीले गरेका छौं । बजारमा आएका नयाँ प्रविधि तथा नयाँ ब्राण्डका सामानमा सबैको पहुँच नपुग्नसक्छ, त्यसैले नयाँ प्रविधि तथा ब्राण्डका वारेमा जानकारी लिनका लागि मेला उत्कृष्ट गन्तव्य बन्नेछ । मेलामा सहभागिताका लागि म सबैमा अनुरोध गर्दछु ।
कुराकानीमा आधारितः
Comments are closed.