काठमाडौं । नेपाली बजारमा सुनको मूल्यमा सामान्य गिरावट आएको छ भने चाँदीको मूल्य स्थिर रहेको छ। नेपाल सुनचाँदी व्यवसायी महासंघका अनुसार, आइतबारको तुलनामा सोमबार छापावाल सुनको मूल्य तोलामा ७ सय रुपैयाँले घटेको हो।
महासंघका अनुसार, सोमबार छापावाल सुनको मूल्य तोलामा १ लाख ९१ हजार १०० रुपैयाँमा कायम भएको छ। यो मूल्य आइतबारको १ लाख ९१ हजार ८०० रुपैयाँभन्दा ७ सय रुपैयाँ कम हो। त्यस्तै, तेजाबी सुनको मूल्य पनि घटेर तोलामा १ लाख ९० हजार ४५० रुपैयाँमा कायम भएको महासंघले जनाएको छ।
यसैबीच, चाँदीको मूल्यमा भने कुनै परिवर्तन आएको छैन। आइतबार तोलामा २ हजार ५ रुपैयाँ कायम भएको चाँदी सोमबार पनि सोही मूल्यमा कारोबार भएको छ। महासंघले अन्तर्राष्ट्रिय बजारको उतारचढाव तथा भन्सार मूल्यका आधारमा दैनिक दर तय गर्दै आएको छ।
Comments are closed.