काठमाडौं । अटोमोबाइलसम्बन्धी लोकप्रिय अनलाइन म्यागेजिन टप गियर ले मन पर्ने शीर्ष २० इलेक्ट्रिक कार (ईभी) को सूची सार्वजनिक गरेको छ। सो सूचीमा पहिलो स्थानमा रेनो ५, दोस्रोमा हुन्डाई आयोनिक ५ एन र तेस्रोमा रोल्स रोयस स्पेक्टर परेका छन्।
त्यस्तै, चौथो, पाँचौं र छैटौं स्थानमा क्रमशः पोस्र्चे टेक्यान, टेस्ला मोडल ३ र एमजी४ परेका छन्। यीमध्ये नेपाली बजारमा उपलब्ध भएको एक मात्र ईभी एमजी४ हो भने अन्य ईभी नेपालमा उपलब्ध छैनन्।
टप गियरको सूचीमा सातौंदेखि दशौंसम्म क्रमशः किया ईभी३, भल्वो ईएक्स३०, स्कोडा इलरोक र डासिया स्प्रिङ रहेका छन्। युकेबाट प्रकाशित हुने यस अनलाइन म्यागेजिनले रेन्ज, चार्जिङ क्षमता, इक्विपमेन्ट, जिप्पी डाइनामिक्स र डिजाइनका कारण यी ईभी रोजाइमा परेका जनाएको छ।
नेपालमा उपलब्ध एमजी४ को कम्फर्ट भेरिएन्टमा ५१ किलोवाट–आवर ब्याट्री र डिलक्स भेरिएन्टमा ६४ किलोवाट–आवर ब्याट्री राखिएको छ। दुवैमा ९९ किलोवाटको मोटर जडान गरिएको छ, जसले सिंगल चार्जमा अधिकतम ४३५ किलोमिटर रेन्ज दिने दाबी गरिएको छ।
एमजी४ ‘युके कार अफ द इयर–२०२३’ बाट सम्मानित भएको ईभी हो भने यसले युरो एनक्याप बाट ५ स्टार सेफ्टी रेटिङ प्राप्त गरिसकेको छ। यसमा इन्डिभिजुअल सस्पेन्सन र रियर–ह्विल ड्राइभ जस्ता विशेष फिचर छन्, जुन नेपाली बजारमा उपलब्ध यस सेग्मेन्टका अन्य ईभीमा पाइँदैन भन्ने कम्पनीको दाबी छ।
यात्रु सुरक्षाका लागि यसमा रियर आइसोफिक्स, रिभर्स क्यामेरा, फ्रन्ट–साइड एयरव्याग, टायर प्रेसर मनिटरिङ सिस्टम र सिट बेल्ट रिमाइन्डर जस्ता सुविधाहरू उपलब्ध छन्। त्यस्तै, मोबाइल फोन ब्लुटुथ की, पाँच ड्राइभिङ मोड र टचस्क्रिन इन्फोटेन्मेन्ट सिस्टमजस्ता कम्फर्ट फिचर पनि राखिएका छन्।
नेपाली बजारमा एमजी४ को कम्फर्ट भेरिएन्टको मूल्य ४१ लाख ४९ हजार रुपैयाँ र डिलक्स भेरिएन्टको मूल्य ४९ लाख ९९ हजार रुपैयाँ तोकिएको छ।
Comments are closed.