वीरगञ्ज । भारत-नेपाल केन्द्र, वीरगञ्जस्थित महावाणिज्य दूतावास, नेपाल भारत उद्योग वाणिज्य संघ वीरगञ्ज च्याप्टर र नाडा अटोमोबाइल एसोसिएसन अफ नेपाल (मधेस प्रदेश) को संयुक्त आयोजनामा वीरगञ्जको क्लाक्र्स रिसोर्टमा भारत–नेपाल आर्थिक साझेदारी शिखर सम्मेलन २०२५ सम्पन्न भएको छ ।
शिखर सम्मेलनमा दुवै देशका उद्योगी, व्यवसायी, नेपाल भारत उद्योग वाणिज्य संघ, वीरगञ्ज उद्योग वाणिज्य संघ, नेपाल उद्योग वाणिज्य महासंघ, नाडा र बिहार (भारत) का विभिन्न चेम्बरका प्रतिनिधिहरूको सहभागिता थियो ।
कार्यक्रमका प्रमुख अतिथि तथा मुख्य वक्ता वीरगञ्जस्थित भारतीय महावाणिज्यदूत देवी सहाय मीना थिए । विशेष अतिथि तथा वक्तामा मधेस प्रदेश नीति तथा योजना आयोगका उपाध्यक्ष डा. सोहन प्रसाद शाहको उपस्थिति थियो । कार्यक्रमको सहजीकरण भारत–नेपाल केन्द्र, पीएचडीसीसीआईका सचिव अतुल के ठाकुरले गरेका थिए ।
शिखर सम्मेलनमा नेपाल भारत उद्योग वाणिज्य संघ वीरगन्ज च्याप्टर अध्यक्ष अभिषेक चौधरी, नेपाल उद्योग वाणिज्य महासंघ मधेश प्रदेश अध्यक्ष अशोक टेमानी लगायतले बोलेका थिए ।
शिखर सम्मेलनले भारत र नेपालबीचको द्विपक्षीय आर्थिक सहयोगलाई थप सुदृढ बनाउनुका साथै व्यापार, उद्योग र लगानीका अवसरहरूमा साझेदारीलाई बढावा दिएको बताइएको छ ।
Comments are closed.