काठमाडौं । नेपालका लागि ओमोडा र जेको (Omoda & Jaecoo)गाडीको आधिकारिक बिक्रेता एसपीजी अटोमोबाइल्स प्रा. लि. ले नेपाल राष्ट्रिय क्रिकेट टोलीका कप्तान रोहित पौडेललाई ब्रान्ड एम्बेसडर नियुक्त गरेको छ । जेको (Jaecoo) हस्तान्तरण कार्यक्रममा पौडललाई ब्राण्ड एम्बेसडर घोषण गरिएको थियो ।
कार्यक्रममा ब्रान्डका पुराना एम्बेसडर तथा क्रिकेट स्टार दिपेन्द्र सिंह ऐरीलाई पनि सम्मान गरिएको थियो। यो कार्यक्रम नेपाल प्रिमियर लिग (NPL) सिजन २ को समापन पछिको एक महत्वपूर्ण कोसेढुङ्गाको रूपमा रहेको र पौडेलले लुम्बिनी लायन्सलाई ऐतिहासिक च्याम्पियनसिप उपाधि दिलाएका थिए। प्रतियोगिताभरिको उनको असाधारण अलराउन्ड प्रदर्शनका लागि रोहितलाई आधिकारिक रूपमा ‘इलेक्ट्रिफाइङ प्लेयर अफ द टूर्नामेन्टू(Eectrifying Player of the Tournament) घोषित गरिएको थियो ।
यस उपलब्धिको कदर गर्दै एसपीजी अटोमोबाइल्सले रोहितलाई बहुप्रतिक्षित जेको J5 इलेक्ट्रिक SUV प्रदान गरेको छ। खेलकुदमा खेलाडीको योगदानलाई थप सम्मान गर्न, एसपीजी अटोमोबाइल्सले उपहार स्वरूप दिइएको उक्त गाडीमा लाग्ने सम्पूर्ण विन्डफल ट्याक्स(windfall tax) आफैले बेहोर्ने घोषणा गरेको छ, जसले गर्दा च्याम्पियनले कुनै आर्थिक भार बिना आफ्नो पुरस्कार प्राप्त गर्न कम्पनीले जनाएको छ ।
ड्रिभन बाई च्याम्पियन्सः उत्कृष्टताको विरासत ‘ड्रिभन बाई च्याम्पियन्स’ (Driven By Champions) भन्ने नाराका साथ आयोजना गरिएको यस कार्यक्रममा दिपेन्द्र सिंह ऐरीसँगको निरन्तर साझेदारीको पनि उत्सव मनाइएको थियो । दिपेन्द्र एनपीएलको पहिलो सिजनमा ‘इलेक्ट्रिफाइङ प्लेयर अफ द टूर्नामेन्ट’ चुनिएदेखि नै ब्रान्डका लागि एक बलियो स्तम्भको रूपमा रहँदै आएका छन्।
‘रोहित र दिपेन्द्र दुवैले लचकता, नवीनता र नेतृत्वको भावना बोकेका छन् जुन ओमोडा र जेकोको मुख्य विशेषता हो,’ एसपीजी अटोमोबाइल्सका निर्देशक गौरव शारदाले भने, ‘नेपाली क्रिकेटका उत्कृष्ट प्रतिभाहरूलाई सबैभन्दा उन्नत विद्युतीय सवारी प्रविधिसँग जोडेर हामी साँच्चै च्याम्पियनहरूद्वारा सञ्चालित (Driven By Champions) भएका छौं।’
जेको (JaecoO) J5 को बारेमा रोहित पौडेलले जितेको जेको ज्ञछ एक प्रिमियम इलेक्ट्रिक क्ग्ख् हो जसले विलासिता र अफ-रोड क्षमतालाई पूर्ण रूपमा मिलाएको छ। यसमा विशाल हाई डेफिनिसन इन्फोटेनमेन्ट सिस्टमसहितको स्मार्ट ककपिट रहेको छ, जुन शून्य-उत्सर्जन दक्षता कायम राख्दै नेपालको विविध भू-बनोटमा गुड्नका लागि डिजाइन गरिएको हो । जेको J5 मा ४६१ किलोमिटरको रेन्ज, १८५ एमएम ग्राउन्ड क्लियरेन्स, स्पेयर टायर, १५५ किलोवाट मोटर पावर र ४८८ लिटरको बुट(स्पेस जस्ता विशेषताहरू रहेका छन् ।
एसपीजी अटोमोबाइल्स नेपालका लागि ओमोडा, जेको र इकाउर (ICAUR) ब्रान्डको आधिकारिक बिक्रेता हो। कम्पनीले उच्च गुणस्तर र दिगो गाडीहरू मार्फत नेपालको हरित ऊर्जा रूपान्तरणमा सहयोग पुऱ्याउनुका साथै राष्ट्रको खेलकुद क्षेत्रको विकासमा सक्रिय रूपमा सहयोग गर्दै आएको छ।
Comments are closed.