नेपाल उद्योग वाणिज्य संघ काठमाडौंको आयोजनामा पहिलो पटक सञ्चालन भएको ‘प्रथम काठमाडौं महोत्सव २०८२’ भव्यताका साथ सम्पन्न भएको छ । राजधानीको ऐतिहासिक पहिचान, कला–संस्कृति र आर्थिक सम्भावनालाई एकीकृत मञ्च प्रदान गर्ने उद्देश्यले माघ १४ देखि १७ सम्म भृकुटीमण्डप काठमाडौंमा आयोजित महोत्सव ऐतिहासिक रूपमा सफल हुँदा हामी आयोजक खुसी भएका छौं ।
यस अवसरमा महोत्सवलाई मर्यादित र सफल बनाउन सहयोग गर्ने सम्पूर्ण सरोकारवालाहरूप्रति आभार प्रकट गर्दछौं । महोत्सवले काठमाडौं महानगरको आर्थिक सम्भावना र रचनात्मक क्षमतालाई राष्ट्रिय तथा अन्तर्राष्ट्रिय स्तरमा पु¥याउन महत्वपूर्ण भूमिका खेलेको छ । कला, संस्कृति, उद्योग र व्यापारको संगमका रूपमा रहेको यो महोत्सवले स्थानीय उद्यमीहरूलाई ठूलो राहत मिलेको छ ।
कला, संस्कृति, उद्योग र व्यापारको एकीकृत मंचका रूपमा आयोजना गरिएको यस महोत्सवले काठमाडौको ऐतिहासिक पहिचान र आर्थिक सम्भावनालाई प्रवद्र्धन गर्न महत्वपूर्ण योगदान पु¥याएको छ ।
संघका अध्यक्ष, संयोजक, पदाधिकारी तथा कार्यसमितिको कुशल व्यवस्थापन, प्रदर्शक उद्योगी–व्यवसायीहरूको उत्साहजनक उपस्थिति, सुरक्षा निकायको प्रभावकारी व्यवस्थापन र सञ्चार माध्यमहरूको सकारात्मक प्रचार–प्रसार, कर्मचारी तथा स्वयंसेवकहरूको निरन्तर खटाईले महोत्सव सोचेभन्दा बढी सफल भएको छ । चार दिनसम्म चलेको महोत्सवमा करिब एक लाख अवलोकनकर्ताको उपस्थिति रह्यो । अवलोकनकर्ताको आकर्षणले पनि महोत्सवको सफलतालाई पुष्टि गरेको छ ।
महोत्सव अवधिभर प्राप्त भएका सुझाव र सकारात्मक प्रतिक्रियाले भविष्यमा अझ व्यवस्थित, प्रभावकारी र दिगो कार्यक्रमहरू आयोजना गर्न थप प्रेरणा मिलेको छ । आगामी दिनमा पनि यस्तै सहकार्य, समन्वय र सद्भाव कायम रहने विश्वास गरेका छौं । महोत्सवले काठमाडौंका स्थानीय उत्पादनहरूको बजारीकरण र पर्यटन प्रवद्र्धनमा समेत नयाँ इँटा थपेको छ । पहिलो महोत्सवका कमिकमजोरी सुधार गर्दै आगामी दिनमा अझै परिस्कृत भएर दोस्रो काठमाडौंको महोत्सवको तयारीमा जुट्ने प्रतिबद्धता गर्दछौं ।
(प्रथम काठमाडौं महोत्सव सम्पन्न भएपछि संघका महासचिव श्रेष्ठद्वारा जारी विज्ञप्तिमा आधारित)
Comments are closed.