काठमाडौं । सुजुकीको अधिकृत वितरक सिजी मोटोकर्प मार्फत सुजुकी नेपालले “सुजुकी पर्वोत्सव” चाडपर्व विशेष योजना घोषणा गरेको छ, जुन कम्पनीको प्यासेन्जर, क्ग्ख्’क तथा लाइट कमर्सियल गाडी दायराभर लागू हुनेछ। दशैं–तिहारको अवसरमा सुजुकी स्वामित्वलाई थप सहज र फाइदाजनक बनाउने उद्देश्यले ल्याइएको यो योजनाले ब्रान्डको विश्वास, पारदर्शिता र आफ्टर–सेल्स मूल्यप्रतिको दीर्घकालीन प्रतिबद्धतालाई पनि पुनः पुष्टि गर्छ।
सुजुकी पर्वोत्सव अन्तर्गत ग्राहकले रु. १ लाखसम्म नगद छुट, रु. १ लाखसम्म एक्सचेन्ज बोनस, निःशुल्क एक्सेसरिज, निःशुल्क पीएमएस (आवधिक मर्मत सेवा) पार्ट्स र एक वर्षको निःशुल्क बीमा पाउनेछन्। सुविधाहरू मोडेल अनुसार फरक–फरक हुनेछन् र देशभरका सुजुकी शोरूममा उपलब्ध हुनेछ, जसले अल्टो के१०, वागनआर, सेलेरियो, इको कार्गो, इको भ्यान, ब्रेजा, जिम्नी, भिक्टोरिस, फ्रोन्क्स र ई–भिटारा लगायत सुजुकीको सम्पूर्ण दायरालाई समेट्छ। चाडपर्वको मौसमलाई लक्षित गर्दै यो योजना २०८३ साल श्रावण २७ देखि कार्तिक अन्तिमसम्म लागू हुनेछ।
पहिले नै सञ्चालनमा रहेको “ई–भिटारा पहिलो १०० युनिट प्रोमोसनल योजना” छुट्टै अफरका रूपमा यथावत् जारी रहनेछ। पहिलो १०० युनिट बिक्री पूरा भएपछि, मोडेल अनुसारको सुजुकी पर्वोत्सव सुविधा स्वतः ई–भिटारामा पनि लागू हुनेछ। विद्युतीय गतिशीलतामा सुजुकीको निरन्तर प्रतिबद्धताको हिस्साका रूपमा, ई–भिटारा ग्राहकहरूले गाडीसँगै आउने मानक ३ किलोवाटको चार्जरका अतिरिक्त ७ किलोवाटको होम चार्जर पनि निःशुल्क पाउनेछन्, जुन ग्राहकको घरमा स्थापनाको सम्भाव्यतामा भर पर्नेछ।
“सुजुकी पर्वोत्सवले चाडपर्वको यस अवसरमा हाम्रा ग्राहकलाई थप मूल्य र पारदर्शिता प्रदान गर्ने हाम्रो निरन्तर प्रयासलाई प्रतिबिम्बित गर्छ,” सिजी मोटोकर्पका महाप्रबन्धक सिराज पन्तले भने। “हामी सम्भावित ग्राहकहरूलाई आफ्नो नजिकको सुजुकी शोरूम, र विशेष गरी २५ देखि ३० अगस्ट २०२६ सम्म हुने नाडा अटो शोमा पुगेर मोडेल–विशेष सुविधाबारे थप जानकारी लिन र यो सीमित अवधिको अवसरको लाभ उठाउन आग्रह गर्दछौं।”
इच्छुक ग्राहकलाई पूर्ण विवरण, भेरियन्ट–स्तरीय योग्यता र आवश्यक कागजातका लागि आफ्नो नजिकको सुजुकी शोरूममा सम्पर्क गर्न कम्पनीले अनुरोध गरेको छ । सुजुकी नेपालले प्यासेन्जर, क्ग्ख् तथा लाइट कमर्सियल गाडी देशभरका ४२ अधिकृत आउटलेटमार्फत बिक्री र सेवा प्रदान गरिरहेको छ ।
Comments are closed.