पाहुनाहरुको मन जितेर कुटी रिसोर्टले ‘ट्राभलर्स च्वाइस अवार्ड’ पाउँदा खुसी छौंः सञ्चालक केसी

पोखरा । युवा व्यवसायी देवेन्द्र केसीले सञ्चालनमा ल्याएको कुटी रिसोर्टले सन् २०२० का लागि ट्राभलर्स च्वाइस अवार्ड प्राप्त गरेको छ । प्र्रशिद्ध ट्राभल वेबसाइट कम्पनी ट्रिप एडभाइजरले कुटी रिसोर्टलाई उक्त अवार्ड प्रदान गरेको हो ।

थ्रि स्टार सरहको सेवा सुविधा प्रदान गरिरहेको रिसोर्टमा ५१ वटा कोठा छन् । कुटी रिसोर्टलाई समय सान्दर्भिक र स्तरीय बनाउँदै अन्तर्राष्ट्रियस्तरको सेवा प्रदान गर्न आफूहरु सफल रहेको सञ्चालक देवेन्द्र केसीले बताए । ‘रिसोर्टमा आउने पाहुनाको मन र विश्वास जितेर ट्राभलर्स च्वाइस अवार्ड पाउँदा निकै खुसी छौं,’ केसीले भने ।

 

रिसोर्टमा इन्डोर हिटर स्विइमिङ पुल, रुफटप गार्डेन, सेमिनार हल, स्पा, स्टिम, मसाज लगायतको सेवा सुविधा उपलब्ध छन् । ‘अर्गानिक रेष्टुरेन्ट हाम्रो विशेषता हो,’ उनले भने, ‘साँस्कृतिक कार्यक्रमले पनि पाहुनालाई आकर्षित गर्छ ।’

पाहुनाको मागलाई मध्यनजर गरी रिसोर्टले लेकसाइडकै बगैंचामार्गमा होटल कुटी पनि सञ्चालनमा ल्याएको छ । जहाँ ४० वटा कोठा छन् । होटल कुटीसँगै सुविधा सम्पन्न बैंक्युट हलसमेत सञ्चालनमा आइसकेको छ ।