हरपल फुड्सले नेपाली बजारमा ल्यायो ‘शुभमालिका’ जिरा मसिनो चामल

काठमाडौं । हरपल फुड्स प्रा.लि.ले नेपाली बजारमा शुभमालिका ब्राण्डको चामल बिक्री वितरणको सुरुवात गरेको छ । यस अगाडि बिगत १५ वर्षदेखि हरपल रिच राइस चामलको बिक्री वितरण गरिरहेको हरपल फुड्सले नयाँ ब्राण्डको शुभमालिका सावा मसिनो चामललाई नेपाली बजारमा भित्र्याएको हो । २५ केजीको प्याकमा नेपाली बजारमा यो चामल उपलब्ध छ ।

नेपाली उपभोक्ताको माग बमोजिम शुभमालिका चामलको बिक्री वितरण सुरुवात गरिएको प्रा.लि.का प्रवन्धक तारामान धामीले जानकारी दिए । शहरदेखि गाउँसम्मका सबै वर्ग, समुदाय र क्षेत्रका व्यक्तिहरुले प्रयोग गर्न सक्ने सस्तो र गुणस्तरयुक्त शुभमालिका चामल नेपाली बजारमा ल्याउन सफल भएको धामीले बताए ।

हरपल रिच राइस चामलले बिगत १५ वर्षदेखि नेपाली उपभोक्ताको माया निरन्तर पाउँदै मन जित्न सफल भएपछि शुभमालिका जिरा मसिनो चामल बजारमा ल्याउन थप प्रेरणा र हौसला मिलेको धामीको भनाइ छ । प्रालिले बिगत ६ वर्षदेखि दीपम सोनम जिरा मसिनो चामलसमेत बिक्री वितरण गरिरहेको छ ।

हरपल रिच राइस २० केजी र ५ केजीमा बजारमा उपलब्ध छ । मधुमेहका बिरामीलाई लक्षित गरेर हरपल उसिना चामल २० केजी र ५ केजीको प्याकमा पनि उपलब्ध छ । जम्बो पियोर बास्मती चामल ५ केजी र १ केजीको प्याकमा उपलब्ध रहेको धामीले जानकारी दिए । हरपल पसन चामल स्टिम र बोइल गरेर २० र ५ केजीमा उपलब्ध छ । दीपम सोनम जिरा मसिनो चामल २५ केजीमा बजारमा उपलब्ध रहेको उनले बताए ।

‘हरपल ब्राण्डले नेपाली उपभोक्ताको मन र विश्वास जित्न सफल भएको छ,’ धामीले भने, ‘उपभोक्ताबाट निरन्तर प्राप्त मायाबाटै हामीलाई थप हौसला प्राप्त भएको छ ।’ हरपल रिच राइस शहर केन्द्रित भइरहेकामा शुभमालिका ब्राण्ड शहरदेखि गाउँ लगायत देशभरको बजारमा लोकप्रिय हुने कम्पनीले विश्वास लिएको छ ।